ზეცავ, სამყარომ თანხმობა მოგვცა,
თანხმობას მოჰყვა პირველი ჰანგი,
პირველი სითბო, პირველი დარდი,
ასე დავიწყე მე შენით ტკბობა,
შენ შენი სული ყოველთვის გიცავს,
რარიგ ეულად არ გრძნობდე თავსაც,
სრული ქაოსით და მოთმინებით,
მჯერა, მარცხდება კეთილთან ცუდი...
დღეს კი გრძნობები, თბილი ჟესტები,
და ერთი მიზნის საერთო წერა,
წლები გაივლის, თუმცა ურყევად,
თავს შემახსენებს მე შენი კოცნა...