არ გინდა სიბნელე.
გაუშვი სულიდან,
ეგ შენი წყვდიადის ნაფერი დარდები...
მზე ბრწყნავს. გახედე, გახედე განთიადს...
აღიქვი მზისფერი და წამით გახევდი....

თვალებზე იფარე თითების ჩრდილები...
დაიწყოს რიალი ფერადმა წრეებმა...
სულში შემოუშვი სინათლე ცხრაფერი...
იმედით აგავსონ ახალმა დღეებმა...

არ გინდა სიბნელე, ჩრდილი და სიბრაზე...
ნუ ფიქრობ, არ არის აქ შენი ადგილი.
ხელი მომაწოდე, მაგრად ჩამეჭიდე,
და თუნდაც არ იყოს გაბედვა ადვილი...

წამოდი, მზე გვიცდის, დარდები გვტოვებენ.
წამოდი, სიცოცხლე ვისწავლოთ ახლიდან.
ოცნებას დავუთმოთ გული და წადილი.
ლამაზად ცხოვრება გავბედოთ თავიდან..

ვე რა