ღამეს , გაზაფხულის ღამეს

ღამეს, გაზაფხულის ღამეს
ნელი სიო არხევს ფოთლებს
უნდა მოვუსმინოთ გულით
ღამე მოგვიყვება ამბებს

ღამეს, ყური ვუგდოთ ღამეს
კვლავაც მოგვიყვება ამბებს
თურმე გაზაფხული იყო
შენ რომ დაიბადე მაგ დღეს

სუსხი ყოფილა
ძვალრბილში ატანდა
სიცივე ყოფილა
მდუმარე ღამეს

ღამემ შეამჩნია შენი დაბადება
ღამე უსიტყვოდ, თუმცა ახმაურდა
სუსხიან ველებს , მთვარე რომ ანათებდა
იმ წყლიან თვალებს , შენ რომ გამშვენებდა


ღამემ იზეიმა შენი დაბადება
მთვარე მიილია, დროებით მიიმალა
კვლავაც გამოჩნდება, კვლავაც იზეიმებს
მთვარე, მთვარე გაზაფხულის სუსხიან ღამეს

ღამეს, აჩრდილივით მშვიდს და უცილობელს,
ღამე შეეგება კვლავ ახალ სიცოცხლეს
ბევრი მოევლინა სუსხიან ღამეს
გაზაფხულის მანათობელ მთვარეს.