სულელო გოგო

გინდა და გჯეროდეს ბედის.
თუკი გსურს გჯეროდეს, ოღონდ,
როდესაც უსიტყვოდ წავალ,
ნუ იტირებ, სულელო გოგო.

ლამაზი სიტყვებიც გჯერა,
სიზმრებიც? მაოცებ, როგორ?!
ამ ღამეს გაათევ მარტო,
პატარა სულელო გოგო.

იღიმი, მიმალავ დარდებს.
ან მეტი რა უნდა გთხოვო?
იცი, რომ იტირებ ისევ,
იტირებ სულელო გოგო.

ამიტომ მომშორდი, წადი.
ეს ლექსი დღეს იყოს ბოლო.
ვწუხვარ, ვერ გავბედე მეტი...
გაგიშვი, სულელო გოგო.

ვე რა