ვინ ვარ?
და ის ვარ,
ვინც უნდა ვიყო!
შენ თუ ვერ იგებ,
შენ თუ ვერ ხვდები.
შენი საზომით თუ მზომავ მხოლოდ,
ამაში ბრალი არ არის ჩემი.

ის ვარ, ვინც ვიყავ წლობით შენამდე.
და შენ კი ცდილობ
შემქმნა თავიდან.
ვერ შევიცვლები,
რადგან ასეთი
ვარ დაბადების
პირველ წამიდან.

იცი ყოველი შენი მცდელობა,
ჰგავს უსასრულო ტალღის ხეთქებას.
როდესაც ჩემი შეცვლა ვერ შესძლო,
ნგრევა დამიწყო შენმა ხელებმა.

შენ გაცრუებულ
იმედებს ჰგავხარ .
ეს სევდიანი ფიქრი წამომცდა.
შენა ხარ ჩემი განსაწმენდელი,
დედამიწაზე ჩემი გამოცდა.

ვე რა