ნუთუ, მართლა გამიჩინე იარა,
ნუთუ, მართლა გამეყინა ხელები,
როცა ვნახე, სხვასაც როგორ უმზერდი
ერთ დროს ჩემთვის მოცქირალი თვალებით...

ალბათ, შენთვის არც არაფერს ვნიშნავდი,
მაგრამ ჩემთვის მტკივნეულად მთავრდები,
რადგან, როცა ილუზია სრულდება,
მას მოჰყვება რეალობის წამები...

ჩემთვის ერთ დროს სანუკვარი სიზმარი,
ახლა მხოლოდ სხვისთვის თუ კი ახდები,
და მე მუდამ მეყვარება ის კაცი,
რომელიც შენ ვერასოდეს გახდები...