დღე მილეულა...
მკრთალად ტოვებს ნათელს მზის სხივი,
ზღვა ამღვრეულა...
ზედ გადებულა ოცნების ხიდი.
ზეცა დამფრთხალა...
და სულს აშფოთებს ტალღების გვემა!
მთვარე ჩამქრალა...
ზეცამ განაგრძო ცრემლების დენა!..
ღამე გამქრალა...
გულმა შეწყვიტა სიზმრებში ფრენა,
წვიმა მოსულა...
და დაუნამავს მრავალი სევდა...
მზე ამოსულა!
მკვეთრად მოსჩანს ცის თაღზე სხივი...
მთვარე გამქრალა...
თან წაუღია, ოცნების ხიდი!