რა მალე გადის ეს წლები გრძელი,
გრძელი დღეები და ღამეები.
ადრე მეგონა თვე საუკუნედ,
ახლა კი ვხვდები,ყოფილა წამი.

რისთვის ვიცხოვრე?-თავს ვეკითხები,
იქნებ ეს მხოლოდ იყო სიზმარი
და წამიერი ეს ილუზია,
რომელიც ასე მალე გაფრინდა.

უკან ყურება მე აღარ მინდა,
მინდა ვიცხოვრო მხოლოდ მომავლით.
წარსულში ჭყეტვა მომბეზრდა უკვე
და წლების შემდეგ კვლავ გელოდები.

გაზაფხულია,კვლავ მიხარია,
ვიცი,რომ მას შენც გაედევნები
და კოკორივით გადაიშლები,
როგორც ყვავილი დანამულ ბაღში.
13.03.15