ცხოვრებაში ყველაზე მძიმე განსაცდელი ახლობლის დაკარგვაა. თუმცა, თუ ადამიანი დედამიწაზე ფიზიკურად აღარაა, ეს არ ნიშნავს, რომ მისმა სულმაც სამუდამოდ მიგატოვათ. სინამდვილეში, ერთგვარი კონტაქტი გარდაცვლილ ადამიანთან შეიძლება თქვენც გაქვთ. მთავარია, მეტად დაკვირვებული იყოთ. აი, რამდენიმე ფაქტი იმისა, რომ გარდაცვლილი ნათესავი ჯერაც გსტუმრობთ.
1. გრძნობთ მის სუნს
არომატი ყველაზე გავრცელებული საშუალებაა. თუ გარდაცვლილის თამბაქოს ან სუნამოს სუნს გრძნობთ, ე.ი. კავშირი ამ ადამიანთან ისევ ძლიერია.

2. ჩნდებიან თქვენს სიზმრებში
სიზმარში ნანახი გარდაცვლილი ახლობლები რეალისტურად და არა ზღაპრულად გამოიყურებიან. ისინი თითქოს რაღაცას მიგანიშნებენ, გაფრთხილებენ. დააკვირდით სიზმრებს, განსაკუთრებით, საყვარელი ადამიანის გარდაცვალებიდან 40 დღის განმავლობაში.

3. თქვენი "საერთო" ნივთები ქრება
შეიძლება შეგიმჩნევიათ, რომ დიდხანს ეძებთ საყოფაცხოვრებო ნივთებს, რომლებიც გარდაცვლილს უყვარდა. ან ერთ ადგილზე დადეთ და სხვა ადგილზე დაგხვდათ. შეიძლება გარდაცვლილი ასე გეხუმრებათ.

4. უჩვეულო მოვლენები პანაშვიდებსა და დაკრძალვაზე
ამერიკელი ექსტრასენსის, ჯეიმს ვან პრეგეს თქმით, გარდაცვლილების სულები ხშირად ესწრებიან საკუთარ პანაშვიდებსა და დაკრძალვებს. ისინი ცდილობენ დაამშვიდონ თავიანთი ახლობლები. ტკივილისა და ტრაგედიის გამო ადამიანი ვეღარაფერს ამჩნევს, თუმცა სწორედ ასეთ დღეებშია გარდაცვლილ ადამიანთან კავშირი მეტად შესამჩნევი.

5. გრძნობთ მათ
ზოგიერთს ჰგონია, რომ საყვარელი ადამიანის სული მის გვერდითაა. ზოგი მას ხედავს კიდეც, ზოგი გრძნობს მათ სიახლოვეს. ზოგსაც გვიან, წიგნის კითხვის დროს ჰგონია, რომ მის გვერდით ვიღაც ზის. ეს ხშირად ხდება, განსაკუთრებით, იმ ადამიანებს შორის, ვისაც ერთმანეთი ძალიან უყვარდათ.

6. გრძნობთ მათ შეხებას
ამოუხსნელია ფაქტია, მაგრამ მილიონობით ადამიანის ნაამბობიდან ირკვევა, რომ გარდაცვალების შემდეგ ისინი გრძნობდნენ ამ ადამიანების სიახლოვეს, გრძნობდნენ, როგორ ეფერებოდნენ ისინი თმაზე, როგორ ეხებოდნენ, ხელს ჰკიდებდნენ.

7. ელექტრონივთების უჩვეულო მოვლენები
ელექტრონივთები მოულოდნელად რომ "გიჟდებიან", ეს სულების ცელქობის ამბავია, მათ შეუძლიათ ელექტრონივთებით მანიპულირება. არ შეგიმჩნევიათ, რომ მანქანაში ჩაჯდომისას თქვენი საყვარელი მუსიკა ჩაირთო, თქვენ კი საერთოდ სხვა ტალღაზე გქონდათ რადიო მომართული?..

8. ამოუცნობი სატელეფონო ზარები
იყო შემთხვევა, როცა მამის გარდაცვალების შემდეგ გოგონას მობილურზე რამდენჯერმე დაირეკა უცნობი და უჩვეულო ნომრიდან, ხმას არავინ იღებდა. როცა გოგონამ ეს ამბავი მეგობრებს გაუმხილა, მათაც გაიხსენეს მსგავსი ფაქტები საყვარელი ადამიანების გარდაცვალების შემდეგ. არავინ იცის, რატომ ხდება ასე. თუმცა, მეცნიერები სერიოზულად დაინტერესდნენ ამ ფენომენით.

9. სიმბოლოებით დატვირთული უცნაური მოვლენები
ისინი უამრავ მინიშნებას გვიგზავნიან: ბუმბულების, მონეტების ან ქვების სახით. გარდაცვლილები ხშირად იყენებენ ცხოველებს, რათა საკუთარი თავი გამოავლინონ. გარდაცვლილების ნათესავები ამჩნევენ შინაურ ცხოველებს, ჩიტებს, პეპლებს, ჭიამაიებსა და სხვა სულიერ არსებებს, რომლებიც უცნაურად იქცევიან.

10. ჩვენ მათ სინამდვილეში ვხედავთ!
გინდ დაიჯერეთ და გინდ არა, მაგრამ ჩვენ მათ ვხედავთ. არა სიმთვრალის დროს და სხვაზე მიმსგავსებულს. ისინი "გვენახვებიან", როცა სურთ ჩვენთან კონტაქტის დამყარება, როცა რაღაცას გვანიშნებენ, გვაფრთხილებენ.

თქვენ თუ გქონდათ მსგავსი შეგრძნებები? გაგვიზიარეთ ისინი...