არასოდეს გაგჩენიათ კითხვა: – „რატომ არ აქვს არავითარი ვიზუალური კავშირი გულის სიმბოლოს – ნამდვილი გულთან?“


ამ ნიშნის დაბადებასთან დაკავშირებით ორი ჰიპოთეზა არსებობს. პირველი ვერსიის მომხრეები, გულის გამოსახულებას სუროს ფოთოლს უკავშირებენ. ეს მცენარე ცნობილია იმით, რომ დამატებითი ფესვებით ეხვევა საგნებს, რომლებიც მის სიახლოვეს მდებარეობს. ძველი რომაელებისთვის და ძველი ბერძნებისთვის სურო, ღრმა კავშირს და სიყვარულს გამოხატავდა, ამიტომ მის გამოსახულებას ხშირად იყენებდნენ საფლავის ქვების მოსართავად. როგორც ჩანს, დროთაგანმავლობაში სიმბოლოს მნიშვნელობამ ტრანსფორმაცია განიცადა და ჩამოყალიბდა როგორც სიყვარულის ნიშანი.

მაგრამ არსებობს სხვა ვერსიაც, რომელიც ვირჯინიის უნივერსიტეტის
– როანოკეს ფსიქოლოგმა, პროფესორმა გალდინო პრანცარონემ გამოთქვა.

ის დიდხანს სწავლობდა ამ სიმბოლიკის ისტორიას და გამოიტანა დასკვნა, რომ ეს ნიშანი, სხვა არაფერია თუ არა ქალის უკანალი.


მეცნიერმა აღნიშნა, რომ ძველი ბერძნები თაყვანს სცემდნენ სიყვარულის ქალღმერთ აფროდიტე კალიპიგუს, რომელიც სიტყვასიტყვით ითარგმნება როგორც „აფროდიტე მშვენიერუკანალიანი“. მის საპატივსაცემოდ ტაძარიც იყო აშენებული. პროფესორის აზრით, გარკვეული დროის შემდეგ, ეს წარმართული სიმბოლო ევროპაშიც გავრცელდა, სადაც მას სხვა მნიშვნელობა მიანიჭეს და ოდნავ ფორმაც შეუცვალეს.