ჩემმა დაქალმა გადმომდო თავისი სიხარული და ბედნიერება, მისი ემოციებიდან გამომდინარე გადავწყვიტე პატარა ჩანახატის დაწერა. ნათქვამია რასაც გულით ინატრებ, უფალი აუცილებლად აგისრულებსო! ეს ნამდვილად ასეა. თავდაპირველად როდესაც იკეთებ ორსულობის ტესტს და ხედავ როგორ ეცვლება მეორე ხაზს ფერი და როგორ წითლდება შეუმჩნევლად, აი ამ წამიდან იცვლება ქალის ცხოვრება. მე უკვე ვგრძნობ მის არსებობას, ენით აღუწერელი რამ არის, როდესაც შენს სხეულში კიდევ სხვა არსება ცხოვრობს, ამის გაგების შემდეგ ალბათ ყველა ქალში იღვიძებს დედობრივი თვისებები და გრძნობები. როდესაც იძინებ ცდილობ კარგად მოთავსდე საწოლში, თითქოს უფრთხილდები მუცელში პატარას რაიმე არ დაუზიანო. გაღვიძებისთანავე ცდილობ შეჭამო თუნდაც ისეთი რაღაცები, რაც აქამდე არ გიჭამია. იმაზე ფიქრს წყვეტ ბევრი ჭამის შემდეგ თუ როგორი ფორმის სხეული გაგიხდება, აღარ ინტერესდები იმით რომ შენს საყვარელ კაბას ან შენს საყვარელ მაისურს ვეღარ ჩაიცვავ. უსმენ წყნარ მუსიკებს, ისეთებს, რომლებისთვისაც აქამდე არც მოგისმენია, კითხულობ წიგნებს. ხშირად გეცვლება ხასიათები, გზიზღდება საყვარელი საჭმელი ან სასმელი, გაღიზიანებს თითქმის ყველაფერი, უარს ამბობ ბევრ ისეთ ადგილებში სიარულზე, რომლებიც ორსულებისათვის არც თუ ისე სასარგებლოა. ჰმ...ორსულს რამდენ რაიმეზე უწევს უარის თქმა ხო? ვისაც არ გამოუცდია ეს გრძნობა, ალბათ იფიქრებთ კიდევაც 9-თვე როგორ გავუძლებთო, მაგრამ არა! როდესაც ეხოზე თქვენი პატარის გულისცემას მოუსმენთ და დაინახავთ ქმრის გაბრწყინებულ სახეს აი მაშინ დიდი გადატრიალება მოხდება თქვენს ცხოვრებაში, გაიაზრებთ რომ მალე ეს პატარა არსება ჩამოყალიბდება და ამქვეყანას მოევლინება. შემდეგ საყავრელ ადამიანთან ერთად მოკალათდები სახლში თბილად და იწყებთ მომავალ პატარაზე ფიქრს, ურჩევთ სახელებს. რათქმაუნდა თითქმის ყველა კაცს პირველი ბიჭი უნდა და ძირითადად ისინი ბიჭების სახელზე აკეთებენ აქცენტს. მერწმუნეთ ეს არის ყველა ქალის ცხოვრებაში განსაკუთრებული მომენტი, ჩემთვის ეს პირველი ორსულობაა, რომლის არსებობასაც თითქმის 1-წელი ველოდი. მე ჩემი პატარის არსებობამ ყველაზე დიდი ბედნიერბა მომანიჭა, პირველ რიგში იმიტომ რომ მისი მამიკო სამყაროს მირჩევია. გოგონებო ყველა მომავალი დედიკოები ხართ, გულით გისურვებთ ამ ლამაზი გრძნობის განცდას.