შესვლა
რეგისტრაცია
რეკლამა

შავი ბილიკი


10-03-2017, 16:31
ავტორი L LI
ნანახია 854

სიბნელემ შთანთქა ჩემი თითოეული სიტყვა, სიბნელემ შთანთქა ჩემი სინათლე. უკვე აღარ ლიცლიცებს ჩემი სანთელი, აღარ მინათებს წყვდიადით მოცულ გზას. მივრბივარ ხეების მუქ სილუეტებს შორის, თითქოს სწრაფი ნაბიჯით უკან ჩამოვიტოვებ ყველაფერს, დავტოვებ დედამიწას და თუნდაც დავიპყრობ მთელ კოსმოსს. თვალებს ვხუჭავ იმ იმედით, რომ ეს ყველაფერი უბრალოდ სიზმარი იყო. არ არსებობს ეს შავი ბილიკი, რომელზეც თავქუდმოგლეჯილი გავრბივარ ახლა და ჩემი ბილიკი მხოლოდ უსასრულო რძიანი გზაა, ვარსკვლავებით გადაჭედილი, კოსმოსური მტვრით დაფარული... გავივლიდი თუნდაც ასი ათასი სინათლის წელს, ეს ყველაფერი რომ არ არსებობდეს, ახლა უკანმოუხედავად რომ არ გავრბოდე...
გავრბივარ და არ ვნანობ. არ ვნანობ, რადგან უკან ვტოვებ სიბნელეს, ხმაურს, ქაოსს... უკვე დავიღალე, დავიცალე... ყურებში მესმის საკუთარი გულის ცემა, ყელში მიჭერს უჟანგბადობა…
მიანც წავალ, ყველას რომ მხდალი ვეგონო... არადა სიმამაცეა იმ ადგილის დატოვება, რომელშიც შენი ადგილი არ არის, როდესაც იმედგაცრუება შენი მუდმივი მეგზურია...
სიბნელეში გაქრა ჩემი უკანასკნელი სიტყვები, აღარ არსებობს არც ერთი ბგერა, არც ერთი ცრემლი... დავიცალე, ყველა სიტყვისგან, ყველა ბგერისგან, ემოციისგან...
დავიღალე, დავიცალე...
თვალებს ნელა ვახელ. მტვრისა და გაზის ღრუბლის მიღმა ვხედავ უსასრულო სივრცეს. ვგრძნობ რომ ჰაერზე მსუბუქი ვარ. თითქოს ფრთები გამომესხა, ისე ფაფუკად მივაბიჯებ უზარმაზარ გალაქტიკაზე, ჩემ წინ რომ გართხმულა დიდ ბილიკად... უკან მივიხედე, არსად მოჩანს ხეების მუქი სილუეტი, შავი ბილიკი. უკუნ სიბნელეში, გზას მინათებს უამრავი გავარვარებული წითელი სფერო...



№1  offline მოდერი bla.ell

მომეწონა მომეწონა მომეწონა მომეწონა მომეწონააააააა უმაგრესო იყო❤❤
--------------------
ის ვინც ჩარჩოში არ ექცევა,ოთხპირ ქარში უწევს ცხოვრება. ლ.მ

 


№2  offline წევრი choco

kargi iyo dzalian dzalian momewona

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent