-რა არის, რაც არასდროს მოგბეზრდება ?
-ცხოვრება.
-და რა არის შენთვის ცხოვრება ?
-წყალი და წერა.
-რატომ ?
-რადგან ისინი არასდროს მბეზრდება.

***
-ცხოვრება უფრო გიყვარს თუ ცხოვრების იდეა ?
-ზოგადად რეალურზე მიმზიდველი იდეაა მუდამ..
-ეგ როგორ ?
-მარტივად გეტყვი... როცა მე და ის ფილმს ვუყურებდით, წვიმაში გავაგდე, ბატიბუტი მიყიდე-მეთქი, მაგრამ როცა მოიტანა, ნახევარ მუჭაზე მეტი ვერ ვჭამე..
***
-იცი, ცოტათი მომენატრე ?
-ცოტათი ?
-რატომ გაგიკვირდა ?
-უბრალოდ ასე არასდროს მეუბნებოდი.
-შენც ჰომ ყოველთვის ცოტათი გენატრებოდი.

***
-ჩემზე ფიქრობ ?
-ზოგჯერ.
-იმიტომ მეუბნები, რომ გეცოდები თუ მართალია ?
-ასეთი დაუჯერებელია ?
-?!

***
-რაზე ოცნებობ ?
-მთელი დღე ვწერო და არ შევჩერდე.
-მერე რა გიშლის ხელს ?
-ყოველი მომდევნო ორშაბათიდან ვაპირებ და არ გამომდის.

***
-გიყვარს ?
-კი.
-შენთან რომ იყოს ისევ ასე გეყვარება ?
-არა.
-რატომ ?
-მაღაზიაში არსებული ტკბილეული ყველაზე მეტად ღირებულია, ნაყიდი შედარებით ნაკლებად, გასინჯულიც კიდევ უფრო ნაკლებად და აი, ნაჭამი სულ კარგავს ღირებულებას..

***
-დღეს ძალიან ლამაზად გამოიყურებოდი...
-რომელი ხარ ?
-ჩასარიცხმა აპარატმა გაგყიდა.
-რა საცოდაობაა !

***
-ოცნება როგორ დათმე ღვინის გამო ?
-სულაც არა ! ოცნების დათმობამ მორიგი სიამოვნებისკენ გამიხსნა გზა.
-ეგ როგორ ? „ყველაფერი შესაძლებელია“ სად წავიდა ?
-ბავშვობაში დარჩა.


***
-ის რომ დაბრუნდეს, რას გააკეთებ ?
-არ დაბრუნდება.
-რატომ გგონია ?
-ის არ გაიხდიდა თავს დასაბრუნებლად.

***
-თინეიჯერი ხარ.
-არ ვარ.
-შენი წლოვანება ხომ „თინით“ მთავრდება.
-ეს ფორმალურად.
-და რეალურად ?
-თინეიჯერობა მაშინ მთავრდება, როცა ხვდები, რომ ადამიანის შინაგანი სივრცე გარეგნობაზე მიმზიდველი შესაძლოა იყოს..