შესვლა
რეგისტრაცია
რეკლამა

არ მინდა ჩემი შვილი მე რომ დამემსგავსოს


14-05-2017, 10:57
ავტორი bla.ell
ნანახია 2 396

"არ მინდა ჩემი შვილი მე რომ დამემსგავსოს.
არ მინდა და საშინლად მეშინია.
ვერ ავიტან.
ვერ შევძლებ ვუყურო, როგორ შეწყვეტს ჩემთან ლაპარაკს მაშინ, როცა ეს ყველაზე მეტად დასჭირდება.
ვერ ავიტან მოვისმინო კედლის მეორე მხრიდან ჩუმი ტირილი და მითხრას, რომ ცუდი სიზმარი ნახა, ან, ემოციურ ფილმს უყურა.
ვერ ავიტან ვუყურო, როგორ მშორდება და მიუცხოვდება.
არ მინდა წერა დაიწყოს. და ეს მხოლოდ იმიტომ გააკეთოს, საკუთარი ემოციების გასაზიარებლად, ადამიანები რომ არ ეყოს.
არ მინდა ეტკინოს და ვერ მითხრას.
არ მინდა იფიქროს, რომ თვითონაც იასამნისფერია.
არ მინდა ტირილის შერცხვეს ჩემ გვერდით.
არც ის მინდა, უსიტყვოდ ისმენდეს ჩემი და მამამისის ჩხუბს და ამასაც კი საკუთარ თავს აბრალებდეს.
ალბათ, ყველაზე მტკივნეული ის მომენტი იქნება ჩემთვის, მეგობრებს რომ ეტყვის, საუკეთესო დედა მყავსო, მათი წასვლის შემდეგ კი, უსიტყვოდ შეიკეტება საკუთარ ოთახში.
ყველაზე საშინელი დედა კი მაშინ ვიქნები, ოდესმე თუ თავი ვერ შევიკავე და როცა ჩემი ვარაუდი გამართლდება, წამომცდა, „ხომ გეუბნებოდი!“.
მინდა იცოდეს და იგრძნოს, რომ დედა მისთვის მხოლოდ სიტყვა არ იქნება. მინდა სჯეროდეს, მოვუსმენ, როცა მხოლოდ მოსმენა დასჭირდება და ხმასაც არ ამოვიღებ განსასჯელად.
ყველაზე მეტად კი, იმის მეშინია, თვითონვე რომ დავაჯერებ საკუთარ თავს, კარგი დედა ხარ–მეთქი და შემდეგ, სრულიად „შემთხვევით“ შევავლებ თვალს შვილის დღიურს.
არ მინდა იმდენად გამიუცხოვდეს, ფურცლები უფრო სანდოდ მიიჩნიოს, ვიდრე ქალი, რომელმაც მუცლით ატარა.
არ მინდა საკუთარი თავი მხოლოდ იმის გამო დამიმალოს, მე რომ არ მატკინოს.
ვერ გადავიტან.
ვერ ავიტან მის თვალებშიც ის რომ დავინახო, რასაც საკუთარში ვხედავდი წლების წინ და შემდეგ მითხრას, რომ „ყველაფერი კარგადაა“.
მირჩევნია იტიროს.
მირჩევნია მიყვიროს, საძინებლის კარი მიიჯახუნოს, ხმამაღლა მოუსმინოს მუსიკას და თუნდაც, რამდენიმე დღე არ დამელაპარაკოს, ვიდრე შიგნიდან დაიშალოს.
მირჩევნია ტუჩებაკანკალებული, ცრემლებით ხმადამძიმებული მომიყვეს, როგორ სტკივა, როგორ უფერულდება გარშემო ყველაფერი, როგორ დაკარგა საკუთარი თავი, ვიდრე ბალიშში თავჩარგულმა, კბილები ძლიერად დააჭიროს ერთმანეთს და მხოლოდ იმის გამო იტიროს ჩუმად, მე რომ არ მაგრძნობინოს თავი ცუდ დედად.
და არც ის მინდა, საკუთარი შვილის ნაწერი მხოლოდ იმის გამო მივიჩნიო სხვისად, მის ასეთობას რომ ვერ გავუძლო.
არ მინდა ჩემი შვილი მე რომ დამემსგავსოს.
ყველაზე მეტად კი, ის არ მინდა, ჩემივე მზერით გამომხედოს, ჩემივე ტკივილებით სავსემ და ჩემივე ხმით მითხრას, „შენ ამას ვერ გაიგებ, დედა...“




ეს არის ძალიან ემოციური ჩანაწერი...
ავტორი არ ვიცი ვინაა მაგრამ,უმაგრესი იყო ვინც ეს დაწერა...
მინდოდა რომ ეს თქვენთვისაც გამეზიარა,შეიძლება ბევრმაც იცის მაგრამ ისეთი კარგია მეორედ რომ წაიკითხოთ მაინც იგივე ემოციას იწვევს...



№1  offline მოდერი bla.ell

ლორელაი
ნათია ჯაგოდნიშვილია ავტორი.

Chemo yvelafris mcodnev madlobaaheart_eyes

 


№2  offline წევრი Elli Na

როგორი ემოცურია...ძალიან იმოქმედა

 


№3  offline მოდერი bla.ell

Elli Na
როგორი ემოცურია...ძალიან იმოქმედა

heart_eyesმიხარია შენამდე თუ მოაღწია ნიჭიეროheart_eyesძალიან დიდი მადლობა❤❤

მართლაც ძალიან კარგი ავტორი ყავს

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent