შესვლა
რეგისტრაცია
რეკლამა

"გაელვება"


10-07-2019, 19:54
ავტორი ლეა
ნანახია 190

ამბავი 1თვის წინ, ვენაში გადამხდა. ისტორია რეალურია, მაგრამ ცოტა "შელამაზებული". მინდოდა თქვენთვის გამეზიარებინა, გამეგო თქვენი აზრი და დამოკიდებულება ზოგადად, ამ თემასთან დაკავშირებით და მაინტერესებს გაქვთ თუ არა ამ მხრივ გამოცდილება:-)
-------------


მივეჩვიე, რომ ჩემს ცხოვრებაში ყველაფერი უჩვეულო და სპონტანურია. მომწონს კიდეც, რადგან ერთი შეხედვით არაფრით გამორჩეულ და უღიმღამო დღეებს თავისებურ ხიბლს სძენს.
სახლისკენ, აღმართს ნელა მივუყვები. იქვე კუთხეში არაორდინალური გარეგნობისა და სტილის მქონე, დაახლოებით 40-45 წლის ქალბატონს ვამჩნევ. წინ პატარა მაგიდა დაუდგამს და როგორც მივხვდი, მკითხაობს. არასოდეს არ დავინტერესებულვარ და ზოგადად, არც მჯერა წინასწარმეტყველების, იქნებ მეშინია კიდეც. გვერდის ავლას ვაპირებდი, როდესაც მისმა ხმამ გაიჟღერა:
- ლურჯი აურის მქონე ხარ
- უკაცრავად?!
- ლურჯი აურის მქონე ხარ. შენი დადებითი ენერგია ანათებს. მიდიხარ და ირგვლივ სითბოს ღვრი
- იქნებ სხვასთან სცადოთ, მე არ გამოგადგებით, არ მჯერა მსგავსი რაღაცების
- შენი გამოჭერა არც მიფიქრია, უბრალოდ იმდენად იშვიათი ხარ, რომ კილომეტრების იქით გიგრძენი. შენი არაფერი არ მინდა, უბრალოდ გთხოვ, რამდენიმე კარტი ამოიღე, მინდა რაღაცაში დავრწმუნდე. შენ არაფერს არ გეტყვი
- იქნებ არ ღირს
- მენდე
არ ვიცი რა ძალამ მაიძულა გაჩერება, უნდობლად, მაგრამ მაინც ღიმილით ჩამოვუჯექი, გამოწვდილ კარტთაგან ოთხი ამოვიღე და მივაწოდე. სახეზე კმაყოფილება გამოესახა. რამდენიმე წუთიანი დუმილის შემდეგ კი თავდაჯერებულმა წამოიძახა:
- ასეც ვიცოდი
თვალებში დიდი კითხვის ნიშნები გამომესახა. მან მრავლისმნიშვნელოვნად გამიღიმა და მითხრა:
- თავისუფალი ხარ
ცნობისმოყვარეობამ სხეული ისე დამიმძიმა, ძლივს ავითრიე, არაფერი არ მითქვამს. უკანმოუხედავად წამოვედი. გზაში დაუკმაყოფილებლობისა და ინტერესის შეგრძნებამ არ მომასვენა, ზედმეტი ყოყმანის გარეშე უკან მივბრუნდი და თავქუდმოგლეჯილი იმ ადგილისაკენ გავიქეცი, სადაც მკითხავი მეგულებოდა. იქ მისულს, სიცარიელე დამხვდა. გაოგნებული აქეთ-იქით ვიყურებოდი, თუმცა ჩემ წინ სიცარიელეს უზარმაზარი გალავანი აღემართა. ფორიაქი დიდხანს გამყვა. მერე "არარაობას" შევეგუე და როცა, "გამოღვიძება" და ყველაფრის დავიწყება გადავწყვიტე, ისე, თითქოს არც არაფერი არ ყოფილა, სრულიად სხვა ქუჩის კუთხეში შევნიშნე. მანაც დამინახა, გამიღიმა და ზურგი მაქცია. ტრანსპორტიდან გიჟივით ჩამოვედი და მისკენ გავიქეცი. ბრბოში ჩაიკარგა, თვალი ვერ მოვკარი, თუმცა ძირს ტაროს ერთადერთი კარტი ვიპოვე, ლურჯი ციური ნათელი, ქვევით წარწერით: იარე წინ, უსმინე გულს, გასაღები შენშია...скачать dle 11.3
სიახლეზე კომენტარის დამატების შემთხვევაში თქვენ მიიღებთ 6 ქულას.



№1  offline წევრი izabella

ლურჯი აურა გაქვსო? გამეცინა, ალბათ ლურჯი ფერი გიყვარს და არც მიკვირს რომ გამოიცნო. ნაცნობებისგან თუ უცნობებისგან მოსმენილით ერთადერთი დასკვნა გამოვიტანე მკითხავებს მხოლოდ აწმყო და წარსული შეუძლიათ "იწინასწარმეტყველონ". ერთადერთი შეიძლება რამდენიმე დღით ადრე მოსახდენი ამბავი გამოიცნონ, უფრო შორს ვერ ხედავენ.
რაღაც შენალოც სამაჯურებს რომ ყიდიან და ბედნიერების შელოცვებს აკეთებენ დანგრევის პირას მისული ოჯახების გადასარჩენად ტყუილი ყოფილა, უფრო ამწვავებენ სიტუაციას.
აი, გატეხილ ჭიქას რამდენიც არ უნდა ჩაუსხა წებო დროთა განმავლობაში წებოც ხომ დაკარგავს თავის ძალას და ვეღარ დაამაგრებს ჭიქის ნამსხვრებს ჰოდა ეგ სიტუაციაა, ჩვეულებრივი მოკვდავის ბოროტეული შელოცვები ვერაფერს იზამს, იმიტომ რომ სიკეთეს არ ემსახურება, თუ უფრო ძლიერი - შემოქმედი არ ჩაერია ურთიერთობაში. მაშინ ყველაფერი გამოდის, ყველაფერი მთელდება.
" იარე წინ, უსმინე გულს, გასაღები შენშია... " -ეს მგონი დავიწყებულის შეხსენება უფრო იყო, ვიდრე რაღაც ახალი.

 


№2  offline წევრი ლეა

izabella
ლურჯი აურა გაქვსო? გამეცინა, ალბათ ლურჯი ფერი გიყვარს და არც მიკვირს რომ გამოიცნო. ნაცნობებისგან თუ უცნობებისგან მოსმენილით ერთადერთი დასკვნა გამოვიტანე მკითხავებს მხოლოდ აწმყო და წარსული შეუძლიათ "იწინასწარმეტყველონ". ერთადერთი შეიძლება რამდენიმე დღით ადრე მოსახდენი ამბავი გამოიცნონ, უფრო შორს ვერ ხედავენ.
რაღაც შენალოც სამაჯურებს რომ ყიდიან და ბედნიერების შელოცვებს აკეთებენ დანგრევის პირას მისული ოჯახების გადასარჩენად ტყუილი ყოფილა, უფრო ამწვავებენ სიტუაციას.
აი, გატეხილ ჭიქას რამდენიც არ უნდა ჩაუსხა წებო დროთა განმავლობაში წებოც ხომ დაკარგავს თავის ძალას და ვეღარ დაამაგრებს ჭიქის ნამსხვრებს ჰოდა ეგ სიტუაციაა, ჩვეულებრივი მოკვდავის ბოროტეული შელოცვები ვერაფერს იზამს, იმიტომ რომ სიკეთეს არ ემსახურება, თუ უფრო ძლიერი - შემოქმედი არ ჩაერია ურთიერთობაში. მაშინ ყველაფერი გამოდის, ყველაფერი მთელდება.
" იარე წინ, უსმინე გულს, გასაღები შენშია... " -ეს მგონი დავიწყებულის შეხსენება უფრო იყო, ვიდრე რაღაც ახალი.

გეთანხმები:-) აღვნიშნე კიდეც, რომ არც მჯერა და დიდად არც ვინტერესდები მსგავსი საკითხებით, უბრალოდ წარმოუდგნელი და მოულოდნელი გამოცდილება იყო, რომელმაც შეიძლება ითქვას მისტიური გრძნობები დამიტოვა:-D ახლა ამ ყველაფერს ღიმილით ვიხსენებ. როგორც ყოველთვის მადლობა, რომ გულგრილად არ დატოვე ჩემი სიახლე:-*

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent