ცხოვრება პროცესია... გზა, რომელიც მიდის გაურკვეველი გეზით.. ზუსტად არავინ იცის სად მივდივართ, მეტიც, ხვალინდელ დღეზეც წინასწარ ბევრს ვერაფერს ვიტყვით... მაგრამ მაინც ველით შედეგს, რომელზეც წარმოდგენა თავადაც არ გვაქვს...
შესაძლოა, ათწლეულებიც კი დაგვჭირდეს იმის გასაცნობიერებლად, რომ ცხოვრება შედეგი არაა, ის უბრალოდ პროცესია, რომელიც სასიამოვნოდ უნდა ვაქციოთ..
არ უნდა ველოდოთ ქუჩაში მილიონის პოვნას, არც თეთრ რაშზე ამხედრებულ პრინცს, როგორც ამას ბავშვობაში ზღაპრები გვასწავლიდნენ ; ლოდინს მოძრაობა უნდა ვარჩიოთ და უსიამოვნო ვითარებაშიც კი ჩვენთვის დადებითი აღმოვაჩინოთ...
ცხოვრება უბრალოდ პროცესია ადამიანებით, თავგადასავლებით, უსიამოვნებითა თუ სიამოვნებით სავსე... პროცესი, რომელიც გეზს იცვლის, მოასპარეზებსაც ანაცვლებს, ვითარებასაც სხვა მხარეს აბრუნებს, მაგრამ საშიშია არაფერია.. პროცესი გრძელდება და შენ მაინც მის მონაწილედ რჩები !
მე, შენ, შენ და კიდე შენ, ვინც ამას კითხულობ, ცხოვრების მონაწილე ხარ სხვადასხვა სცენარში და იცოდე, სცენარის შეცვლამ არ შეგაშინოს !