შესვლა
რეგისტრაცია
რეკლამა

*****


4-10-2020, 00:14
ავტორი შავი ჩაი
ნანახია 8 354

ძველ დროში, როდესაც ჯერ კიდევ სამყაროში იმედი სუფევდა, ყველა ბედნიერად ცხოვრობდა. ხალხს ერთმანეთი უყვარდა, ცხოვრობდნენ ერთმანეთის ჭირ-ვარამით და გვერდში ედგნენ ერთმანეთს. მუდამ კიაფობდა იმედის ვარსკვლავი მათ თავზე და არასდროს ქრებოდა. ეს კი საოცარი მოვლენა იყო ყველასათვის. თუმც კი ყოველთვის როდია ყველაფერი იდეალური...
ერთ მზიან დილას, როდესაც გლეხები სამუშაოდ წავიდნენ, მოხდა უდიდესი ტრაგედია...მიწისძვრა. იმდენად დიდი იყო მისი სიძლიერე, რომ ძალიან დიდი ზიანი მოუტანა სოფელს. ხალხმა დაკარგა ერთმანეთზე ზრუნვის გრძნობა და მხოლოდ საკუთარი თავიღა ანაღვლებდათ...
-ხომ გითხარი რომ ადამიანები საცოდავი არსებები არიან?!-ბოროტულად ჩაიცინა ბოროტებამ და უთხრა მიწისძვრას.
-კი მაგრამ, რა იცოდი რომ ასე მოხდებოდა?
-მათ უბრალოდ ერთი შიში სჭირდებათ იმისათვის, რომ შემდეგ საკუთარი თავი დააყენონ ყველაზე და ყველაფერზე წინ. მარტივი და ლოგიკურია, მეგობარო.
-ჰო?! არ ვიცი...ასე მგონია, რომ ისინი მაინც რამეს იზამენ.
-ეჭვიც არ მეპარება, მაგრამ არა მგონია, ახლო მომავალში მიხვდნენ რამეს-ისევ გაიცინა ბოროტულად, შემოიხვია თავისი შავი ლაბადა და წავიდა...
-იმედი მაქვს, მართლაც რამეს მოიფიქრებთ, ადამიანებო...-თქვა მიწისძვრამ და ისიც გაუჩინარდა.
კარგა ხნის მანძილზე, ადამიანები ვერ იაზრებდნენ იმას, რომ ერთობლივად უფრო მეტს გააკეთებდნენ, ვიდრე მაშინ, თუ ცალ-ცალკე იქნებოდნენ. იმის იმედი, რომ ოდესმე აღუდგენდნენ ძველ დიდებას თავიანთ მიწებს, აღარ ჰქონდათ. უყურებდა ბოროტება ყოველივე ამას და ეღიმებოდა...ეღიმებოდა იმაზე, რომ ადამიანები, რომლებიც ღმერთის საოცარი ქმნილებები არიან, ერთ პატარა დაბრკოლებაზე უკან იხევენ და გულხელდაკრეფილნი ელოდებიან საბოლოო განაჩენს, სიკვდილს. არაფერს აკეთებენ იმისათვის, რომ თავი გადაირჩინონ...
მივიდა ბოროტება ღმერთთან და უთხრა:
-ოი, უზენაესო, ხედავთ რა დღეში არიან თქვენი ქმნილებები?-ცინიკური მზერა მიაპყრო ბოროტებამ.
ღმერთი პასუხს არ სცემდა და უბრალოდ გულდამძიმებული იჯდა. იმაზე ფიქრიც კი საშინლად სტკენდა გულს, რომ ადამიანებმა ასე ჩაიქნიეს ხელი.
-ჰო, რა თქმა უნდა, პასუხს ვერ მცემთ. ესენი არიან თქვენი საოცარი ქმნილებები, არა? ამათ საოცრებებს როგორ უწოდებ? მათ, ისიც კი არ შეუძლიათ, რომ გასაჭირის ჟამს, მხარში დაუდგნენ ერთმანეთს და...-სიტყვა არ დაასრულებინა ღმერთმა და შესძახა:
-ხმა გაჰკმინდე! ახლავე წადი აქედან!
-ჰო, ჩემი გაგდების მეტი, აღარ დაგრჩენიათ. წავალ, თქვენ კი ისიამოვნეთ ყოველივეთი...
ღმერთმა დიდ ხანს იფიქრა რა უნდა ექნა. ვერ იჯერებდა, რომ ხალხი ასე დაეცა, ან უბრალოდ დაჯერება არ უნდოდა. ბოლოს როგორც იქნა მოფიქრა, რომ გაეგზავნა დედამიწაზე მზის სხივი-იმედი. იხმო თავისთან იმედი და უთხრა:
-იმედო, მინდა რომ ჩახვიდე დედამიწაზე და ხალხში გავრცელდე.
-კარგი უზენაესო, მაგრამ ისინი იმდენად არიან გაწბილებულნი, რომ როგორ გგონიათ, მე შევსძლებ მათ დახმარებას?
-სადაც შენ ხარ, იქ მუდამ სიკეთე ისადგურებს, ამიტომ მე მჯერა შენი.
-მაშ კარგი, წავალ...
ჩავიდა დედამიწაზე იმედი და დაიწყო ხალხში გავრცელება. ეს მეტად რთული აღმოჩნდა. ხალხს იმედები იმდენად ჰქონდათ გადაწურული, რომ ვერაფერი ვერ ახდენდა გავლენას. იმედი რას და როგორ აღარ ეცადა, მაგრამ არაფერი გამოუვიდა. მათ იმედები საკუთარი თავისგან ჰქონდათ გაცრუებული და ეს ყველაზე საშინელი უბედურება იყო, რაც კი შეიძლება რომ მომხდარიყო...მათ ვერ მოახრხეს საბოლოოდ ერთმანეთის გამხნევება და მიწები, რომლებიც ერთ დროს ყვაოდნენ, მიწისძვრისგან განადგურებული, კიდევ უფრო განადგურდა...იმედმაც საბოლოოდ ხელი ჩაიქნია და დატოვა ხალხი საკუთარ თავებთან სრულიად მარტო.

***
ხშირად გვეკარგება იმედი. ვცდილობთ, რომ ვეძებოთ ის და
როდესაც ვიპოვით, არ გავუშვათ, მაგრამ ამ მცდელობაში გვავიწყდება ყველაზე მთავარი-რომ ეს იმედი, იმ ადამიანებში უნდა ვეძებოთ, ვინც ჩვენთვის რაიმეს მაინც ნიშნავს. არ ვიცი, ალბათ ვცდები, მაგრამ იმედი ხომ ის ნათელი წერტილი, რომელიც მზეზე უფრო მეტად ათბობს და ასხივებს სინათლეს და ეს სითბო და სინათლე, სწორედ რომ იმ ადამიანებისგან მოდის, ვინც ჩვენთვის არსებობს და ვისთვისაც ჩვენ ვარსებობთ. ყოველი დღე, საწინდარია რაღაც ახლისა და კარგისა, ყოველ დღეს ახალი იმედით ვხვდებით, ახალი ძალებით ვიწყებთ მცდელობებს იმისათვის, რომ უკეთესი მომავალი შევიქმნათ, თუმცა კი ყოველ ჯერზე მარცხს განვიცდით...განა კი რამდენის ატანა ძალუძს დამძიმებულ სულს? შესაძლოა, ერთ დღეს, იმდენად იმედდაკარგულს გაგვეღვიძოს, რომ საკუთარი სუნთქვის შეწყვეტაც სანატრელი გაგვიხდეს...


არაპუნქტუალურობისთვის ბოდიშს გიხდით..) დროებითი შეფერხება მქონდა, იმედია..ვიმედოვნებ, რომ ასე თუ ისე ნორმალური გამოვიდა))



№1 სტუმარი სტუმარი ჰაიკო

ბოდიში მიღებულია შავო ჩაი:)
ველოდებოდი შენს სიახლეს.
გეტყვი,რომ სწრაფად ვითარდები და მიხარია:)
რაც შეეხება ჩანახატს,კარგი აზრი დევს, აქა-იქ რაღაც უმცირესი პუნქტუალური შეცდომები კი არის,მაგრამ არაუშავს,მთავარია წერო.
მომეწონა.
წარმატებები შენ ბევრი.

 


№2  offline წევრი შავი ჩაი

სტუმარი ჰაიკო
ბოდიში მიღებულია შავო ჩაი:)
ველოდებოდი შენს სიახლეს.
გეტყვი,რომ სწრაფად ვითარდები და მიხარია:)
რაც შეეხება ჩანახატს,კარგი აზრი დევს, აქა-იქ რაღაც უმცირესი პუნქტუალური შეცდომები კი არის,მაგრამ არაუშავს,მთავარია წერო.
მომეწონა.
წარმატებები შენ ბევრი.

ძალიან მიხარია, რომ მიუხედავად ჩემი დაგვიანებისა და არაპუნქტუალურობისა, მაინც აქ ხართ ისევ და გამოხატავთ აზრს..ძალიან დიდი მადლობა.

 


№3 სტუმარი სტუმარი ჰაიკო

შავი ჩაი
სტუმარი ჰაიკო
ბოდიში მიღებულია შავო ჩაი:)
ველოდებოდი შენს სიახლეს.
გეტყვი,რომ სწრაფად ვითარდები და მიხარია:)
რაც შეეხება ჩანახატს,კარგი აზრი დევს, აქა-იქ რაღაც უმცირესი პუნქტუალური შეცდომები კი არის,მაგრამ არაუშავს,მთავარია წერო.
მომეწონა.
წარმატებები შენ ბევრი.

ძალიან მიხარია, რომ მიუხედავად ჩემი დაგვიანებისა და არაპუნქტუალურობისა, მაინც აქ ხართ ისევ და გამოხატავთ აზრს..ძალიან დიდი მადლობა.



მე ისევ შენზე ვდებ ფსონს:)

 


№4  offline წევრი შავი ჩაი

სტუმარი ჰაიკო
შავი ჩაი
სტუმარი ჰაიკო
ბოდიში მიღებულია შავო ჩაი:)
ველოდებოდი შენს სიახლეს.
გეტყვი,რომ სწრაფად ვითარდები და მიხარია:)
რაც შეეხება ჩანახატს,კარგი აზრი დევს, აქა-იქ რაღაც უმცირესი პუნქტუალური შეცდომები კი არის,მაგრამ არაუშავს,მთავარია წერო.
მომეწონა.
წარმატებები შენ ბევრი.

ძალიან მიხარია, რომ მიუხედავად ჩემი დაგვიანებისა და არაპუნქტუალურობისა, მაინც აქ ხართ ისევ და გამოხატავთ აზრს..ძალიან დიდი მადლობა.



მე ისევ შენზე ვდებ ფსონს:)

ვეცდები არ გაგიცრუოთ იმედები..))

 


№5  offline ახალბედა მწერალი ქეთი იმერლიშვილი

იდეა ძალიან კარგია!
ავტორი უდავოდ ნიჭიერია, თუმცა მუშაობა დასჭირდება.
--------------------
When nothing goes right, go left!

 


№6  offline წევრი შავი ჩაი

ქეთი იმერლიშვილი
იდეა ძალიან კარგია!
ავტორი უდავოდ ნიჭიერია, თუმცა მუშაობა დასჭირდება.

ძალიან დიდი მადლობა..ვცდილობ, რომ გავაუმჯობესო ჩემი ნაწერები და იმედია გამომივა კიდევაც..)

 


№7  offline აქტიური მკითხველი ლაზარე 13

ოდესღაც, ჯერ კიდევ მაშინ, როცა ღვთაებები ქვეყნად დაიარებოდნენ, სიკეთე და ბოროტება წაიჩხუბნენ..
- მე რომ არ იყო, ყველა სულიერი დაკარგავდა თავის სახეს და შენ დაგემგვანებოდა, თვალშეუდგამო - ამაყად თქვა სიკეთემ
- და უჩემოდ რა ხარ შენ? - ზიზღით ახედა ბოროტებამ - რა იქნებოდი მე რომ არ ვიყო, უმცროსო ძმაო? ან ვინ ჩაგაგდებდა რამედ?!
ჰო, მართლა, მკითხველო, სულ გადამავიწყდა მეთქვა რომ სიკეთე და ბოროტება ძმები იყვნენ..
ჩასახლდნენ ტყუპების სხეულში და საკუთარი სიმართლის დასამტკიცებლად თავ თავის გზაზე გასწიეს..
კეთილი ძმა შიში ყველგან სიკეთეს სთესდა, ხალხს ეხმარებოდა და ცდილობდა მათ გულებში სიკეთის მადლი დაეთესა..
მეორე ძმა კი ქურდობდა..
კლავდა..
თავს ესხმოდა..
ცრუობდა..
მრუშობდა..
ერთი სიტყვით ყოველგვარ ბოროტებას სჩადიოდა..
ფერი ფერსაო და გამოჰყვა კეთილ ძმას ზნეკეთილი, განათლებული, კეთილშობილი ხალხი თავის გზაზე და ცნობილი გახდა როგორც "ამომავალი მზის შვილი".. მისი მოძრავი სახელმწიფო შიშის ზარს სცემდა ყველა ბოროტს..
თავის მხრივ უკეთურსაც გამოუჩნდნენ უკეთური მეგობრები და იმდენად ხელოვანი და საშიში, რომ მის რაზმს წყვდიადს ეძახდნენ...
ერთი ძმა აოხრებდა, მეორე კი აღადგენდა მანამ, სანამ სიკეთეს ბოროტების ნაკვალევზე მოუწია სიარული...
შეიტყო ბოროტებამ რომ სიკეთე მოსდევდა უკან, შემოტრიალდა საომრად გაემზადა.. იცოდა დიდი არმია ჰყავდა ძმას...
სამი დღე და სამი ღამე ბნელ ხევში ელოდნენ სიკეთის ამალას ბოროტების მხედრები..
ბოლოს სიკეთეც გამოჩნდა..
ორასი მძიმედ შეჭურვილი მხედარი მოჰყვებოდა უკან...
დახელოვნებულმა მკვლელებმა ისე დახოცეს ყველა, რომ განძრევაც კი ვერავინ შეძლო..
სიკეთე შებოჭეს და ძმასთან მიიყვანეს...
- აბა, უმცროსო ძმაო, აღიარე რომ დამარცხდი.. - მედიდურად უთხრა ბოროტებამ
- მხოლოდ ერთსა გთხოვ - თავი დახარა სიკეთემ - მომეცი დანა რომ სიცოცხლეს გამოვეთხოვო
ბოროტებამ დაცინვით დაუდო დანა მუხლებზე..
სიკეთემ აიღო დანა და გულზე მიბჟენით აგემა თავისი სისხლი..
- არც ახლა აღიარებ რომ დამარცხდი?! - რაღაცნაირი სინანულით ჩაეკითხა მომაკვდავ ძმას ბოროტება..
როგორ ფიქრობ, ჩემამდე ჭორებმა როგორ მოაღწია, ძვირფასო ძმაო?! განა დამარცხებულია ის ვინც ძმა ძმისმკვლელის სისხლიან სახელს გადაარჩინა?! - გაიღიმა სიკეთემ და სული განუტევა..
შეძრწუნებული ბოროტება ერთხანს დასცქეროდა უსულო სხეულს, ვერ მიმხვდარიყო, რაზე იღიმოდა სიკეთე..
მერე კი შეხედა თავის მეომრებს და..
მიხვდა..
ისინი ტიროდნენ..
ხედავდა ბოროტება როგორ ინდობდნენ ისინი ქალებსა და ბავშვებს..
პატრონობდნენ ობლებს..
იფარავდნენ სუსტებს..
ეხმარებოდნენ მოხუცებს და..
დამარცხდა...
რადგან ორასი მეომრის ნაცვლად ძირს მანეკენები ეყარა..
სიკეთე ძმის სანახავად მოსულიყო..
მარტო..

 


№8  offline წევრი შავი ჩაი

ლაზარე 13
ოდესღაც, ჯერ კიდევ მაშინ, როცა ღვთაებები ქვეყნად დაიარებოდნენ, სიკეთე და ბოროტება წაიჩხუბნენ..
- მე რომ არ იყო, ყველა სულიერი დაკარგავდა თავის სახეს და შენ დაგემგვანებოდა, თვალშეუდგამო - ამაყად თქვა სიკეთემ
- და უჩემოდ რა ხარ შენ? - ზიზღით ახედა ბოროტებამ - რა იქნებოდი მე რომ არ ვიყო, უმცროსო ძმაო? ან ვინ ჩაგაგდებდა რამედ?!
ჰო, მართლა, მკითხველო, სულ გადამავიწყდა მეთქვა რომ სიკეთე და ბოროტება ძმები იყვნენ..
ჩასახლდნენ ტყუპების სხეულში და საკუთარი სიმართლის დასამტკიცებლად თავ თავის გზაზე გასწიეს..
კეთილი ძმა შიში ყველგან სიკეთეს სთესდა, ხალხს ეხმარებოდა და ცდილობდა მათ გულებში სიკეთის მადლი დაეთესა..
მეორე ძმა კი ქურდობდა..
კლავდა..
თავს ესხმოდა..
ცრუობდა..
მრუშობდა..
ერთი სიტყვით ყოველგვარ ბოროტებას სჩადიოდა..
ფერი ფერსაო და გამოჰყვა კეთილ ძმას ზნეკეთილი, განათლებული, კეთილშობილი ხალხი თავის გზაზე და ცნობილი გახდა როგორც "ამომავალი მზის შვილი".. მისი მოძრავი სახელმწიფო შიშის ზარს სცემდა ყველა ბოროტს..
თავის მხრივ უკეთურსაც გამოუჩნდნენ უკეთური მეგობრები და იმდენად ხელოვანი და საშიში, რომ მის რაზმს წყვდიადს ეძახდნენ...
ერთი ძმა აოხრებდა, მეორე კი აღადგენდა მანამ, სანამ სიკეთეს ბოროტების ნაკვალევზე მოუწია სიარული...
შეიტყო ბოროტებამ რომ სიკეთე მოსდევდა უკან, შემოტრიალდა საომრად გაემზადა.. იცოდა დიდი არმია ჰყავდა ძმას...
სამი დღე და სამი ღამე ბნელ ხევში ელოდნენ სიკეთის ამალას ბოროტების მხედრები..
ბოლოს სიკეთეც გამოჩნდა..
ორასი მძიმედ შეჭურვილი მხედარი მოჰყვებოდა უკან...
დახელოვნებულმა მკვლელებმა ისე დახოცეს ყველა, რომ განძრევაც კი ვერავინ შეძლო..
სიკეთე შებოჭეს და ძმასთან მიიყვანეს...
- აბა, უმცროსო ძმაო, აღიარე რომ დამარცხდი.. - მედიდურად უთხრა ბოროტებამ
- მხოლოდ ერთსა გთხოვ - თავი დახარა სიკეთემ - მომეცი დანა რომ სიცოცხლეს გამოვეთხოვო
ბოროტებამ დაცინვით დაუდო დანა მუხლებზე..
სიკეთემ აიღო დანა და გულზე მიბჟენით აგემა თავისი სისხლი..
- არც ახლა აღიარებ რომ დამარცხდი?! - რაღაცნაირი სინანულით ჩაეკითხა მომაკვდავ ძმას ბოროტება..
როგორ ფიქრობ, ჩემამდე ჭორებმა როგორ მოაღწია, ძვირფასო ძმაო?! განა დამარცხებულია ის ვინც ძმა ძმისმკვლელის სისხლიან სახელს გადაარჩინა?! - გაიღიმა სიკეთემ და სული განუტევა..
შეძრწუნებული ბოროტება ერთხანს დასცქეროდა უსულო სხეულს, ვერ მიმხვდარიყო, რაზე იღიმოდა სიკეთე..
მერე კი შეხედა თავის მეომრებს და..
მიხვდა..
ისინი ტიროდნენ..
ხედავდა ბოროტება როგორ ინდობდნენ ისინი ქალებსა და ბავშვებს..
პატრონობდნენ ობლებს..
იფარავდნენ სუსტებს..
ეხმარებოდნენ მოხუცებს და..
დამარცხდა...
რადგან ორასი მეომრის ნაცვლად ძირს მანეკენები ეყარა..
სიკეთე ძმის სანახავად მოსულიყო..
მარტო..

ლაზარე..) შენმა კვლავ ხილვამ გამახარა. როგორც ყოველთვის, ძალიან კარგი ჩანახატები გაქვს. ძალიან დიდი მადლობა..მართლა კარგი იყო)

 


№9  offline წევრი Shoshia Imereli

წარმატებები ჩაი მაგრად მომეწონა

 


№10  offline წევრი შავი ჩაი

Shoshia Imereli
წარმატებები ჩაი მაგრად მომეწონა

მიხარია..) მადლობა, ქრისტინე.

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent