ნიკა და ბარბარე მანქანით მიდიოდნენ. ნიკა რაღაცეებს კი იხსენებდა მაგრამ გოგონა არ უსმენდა. მისი გონება სულ სხვაგან ქროდა. მხოლოდ ლექსოსა და მის მომავალ ოპერაციაზე ფიქრობდა. ოცნებებმა გაიტაცა.წაქრმოიდგინა ისევ როგორ შეხედავდა საყვარელი ადამიანი და ისევ ისე იქნებოდა ყველაფერი. ნიკამ მიხვდა,რომ მისი გონება სხვაგან ქროდა. მანქანა გააჩერა და გადმოსვლაში დაეხმარა. გოგონამ მიმოიხედა და ადგილი არ ეცნო. თავის თავზე გაბრაზდა როგორ არ დავაკვირდი გზასო,მაგრამ აზრი აღარ ქონდა ამაზე ფიქრს.
-სად ვართ ნიკა?
-ეს ჩემი ფართია....რესტორნის გახსნა გადავწყვიტე.
-რესტორნის?
-ჰო ცოტა ფული მაქვს და ... მინდა სადმე დავაბანდო
-ძალიან კარგი...წარმატებები
-მინდა აქ პირველად შენთან ერთან დავლიო ყავა
-სიამოვნებით_ნაძალადევად გაიღიმა ბარბარემ და ნიკას სიგნით შეუძღვა. ყველაფერი ჯერ ისევ მტვრიანი და მიულაგებელი იყო,მაგრამ მონდომებული კაცი მისგან რაღაცას გამოიყვანდა.


ანიტამ და დეტექტივმა კიდევ ერთი ჭიქა ყავა შეუკვეთეს. კაცი საუბრის დაწყებას არ ჩქარობდა,მაგრამ არც გოგონა აჩქარებდა. ბოლოს როგორც იყო საუბარი დაიწყო.
-ლელა ახალაძე...
-დიახ გისმენთ...
- ლელა ახალაძე სინამდვილეში 36 წლის ...
-სინამდვილეში?
-ლელა ახალაძე სამ წლამდე ბავშვთა სახლში იზრდებოდა. სამი წლის ახალგაზრდა ცოლ-ქმარმა იშვილა. წყვილს არ უნდოდა ბავსვი მიმხვდარიყო რომ ნაშვილები იყო და დაბადების წლად ის წელი ჩაწერეს რომელშიც იშვილეს . სინამდვილესი 36 წლისაა....ასე ხშირად იქცევიან დედობილ-მამობილები...
-მერე ?
-მერე ის,რომ გოგონა არც ისე შეძლებულმა ოჯახმა იშვილა. იმ უბანში სადაც იზრდებოდა დღემდე ახსოვთ გოგონა. დედობილ-მამობილს უხეშად ექცეოდა... ერთ დღესაც გოგონამ მაინც გაიგო ,რომ ნაშვილები იყო და...
-როგორ გაიგო?
-ბავშვმა უთხრა რომელმაც მსობლებისგან გაიგო. ლელა ადგა და სახლიდან გაიქცა. არ ვიცი ,როგორ მაგრამ თავი მსუბუქი რეპუტაციის მქონე კაბარეში ამოყო თავი. საიდანაც მოვალეობის ვერ შესრულების გამო ,ხვდები ალბათ რასაც ვგულისხმობ ...გააგდეს.ამის შემდეგ მისი კვალი იკარგება და მოგვიანებით ძალიან ცნობილ გვართან ჩნდება...
-ცნობილ გვართან?
-თენგიზ ბოჭორიშვილი...
-არ ვიცი ...
-სამშენებლო კომპანიების ქსელი აქვს საქართველოში. ძალიან ბევრი ბული აქვს. არ ვიცი როგორ ამოყო თავი იქ ასე პატარა ასაკისამ ,მაგრამ საინტერესო სულ სხვაა...
-რას გულისხმობ??
-სამსახურის აღებიდან ხუთ თვეში ერთ წლიანი შვებულება აიღო და ...
რაა?_სმენად იქცა ანიტა
-სწორედ ამ წელს დაიბადა მისი ვაჟი ,რომელიც ახლა 22 წლისაა
-მერე?
-ალბათ ძნელი მისახვედრი არ არის რატომ სჭირდებოდა ერთ წლიანი შვებულება...და ვისი შვილი იყო ის ბავშვი
-ბოჭორიშვილის? ამიტომაც მიიღო სამსახურში. ახლოს რომ ყოლოდა
-ნამდვილად
ანიტამ ფოტოებს ისევ დახედა და ფიქრებში წავიდა.


ნიკამ საგანგებოდ მომზადებული ყავის თერმოსი ამოიღო და ყავა დაასხა. აქამდე არ შეუმჩნევია ბარბის ,რომ თან ჰქონდა. გაუღიმა და ფინჯანი წინ დაუდო .
-მაპატიე ნიკა ...ზალიან ვწუხვარ იმის გამო რაც მოხდა
-ორი წელი ერთად ვიყავით. ასე უჩუმრად დაშორება ...
-მინდა წარმატებები გისურვო... შენზე კარგი ამბები ყოველთვის გამახარებს.
-და ჩვენ?
-ჩვენ აღარ არსებობს.
-ასე უბრალოდ ? ადამიანებს ისე ივიქყებ თითქოს ნივთები იყვნენ...მეც ასე ნივთივით მომიცილე
-ტყუილია...მე შენ არაფერს არ დაგპირებივარ
-არ გინდა ეს უცოდველი თვალები. უკვე კარგად ვხვდები რაც მოხდა
-დაწყნარდი ნიკა. ვიქრობ აქ საჩხუბრად არ მოვსულვართ_ ბიჭს სახეზე სიბრაზის ტალღებმა გადაურბინა. გოგონა მიხვდა ,რომ ის აღგზნებული იყო და უფრო რბილად საუბარი დაუწყო ,მაგრამ არ გამოუვიდა.
-ნიკა მე მხოლოდ ის შემიძლია ბოდიში მოგიხადო. მაპატიე...
-შენი ბოდიშები არ მჭირდება. ასე ნივთივით ვერ მომისვრი.
-არ ვიცი რაზე ფიქრობ ,მაგრამ მე მივდივარ აქედან. არ ვაპირებ შენს მოსმენას...მე არაფერი დამიშავებია
-როგორც ყოველთვის თავი წმინდანად მოგაქვს. _მკლავსი ჩაეჭიდა ნიკამ მაგრამ ბარბიმ ხელი გაშვებინა და კარისკენ გაიქცა ,მაგრამ იქ სხვა ნაცნობი სახე დახვდა.
-ჯერ რა დროს წასვლაა ძვირფასო გერო ... წვეულება ახლა იწყება
-როგორც იქნა მობრძანება ინებე დედიკო
-დამშვიდდი ჩემო სიცოცხლე...დედა არასდროს იგვიანებს ..._ლელამ სახეზე მიეფერა ვაჟს და ლოყაზე აკოცა
-დედიკო? რას ნიშნავს ეს ყოველივე?_შეიცხადა ბარბარემ
- ყოველთვის ვიცოდი ,რომ ცალტვინა იყავი და სენი გაკონტროლება დამჭირდებოდა. ამას კი ჩემი უსიმპატიურესი შვილის გარდა ვერავის დავავალებდი ...
-გაკონტროლება?_ნიკამ ხელი ჩაავლო გოგონას და სკამზე დასვა. ლელა წინ დაუჯდა და თვალებში მიაჩერდა.
-ახლა დავსხდეტ და ვისაუბროთ იმაზე როგორ მიითვისეთ ჩემი ქონება შენ და ბიძაშენმა
ბარბარემ თვალები დაქაჩა და გაურკვევლად დაიწყო აქეთ იქეთ ყურება. მთელს ტანში გააკანკალა და ისევ ადგომა სცადა ,მაგრამ არ გამოუვიდა . ლელამ ირონიულად გაიღიმა და შვილს გახედა ,რომელიც უსიამოვნოდ უმზერდა ორივეს.

_______________
გამარჯობათ ჩემო კარგებო. როგორც მოგახსენეთ სოფელში ვარ და ვერ ვდებდი. ვიცი ეს თავი პატარაა,მაგრამ ტელეფონით მეტის დადება ვერ მოვახერხე. ამ ღამით ისევ დაემატება.
ველოდები თქვენს შეფასებებს .
მიყვარხართ <3