სამზარეულოში მიბრუნებულ დემნას თეონამ, დეიდას დადებითი პასუხი დაახვედრა.მეორე დღის დილის 10 საათზე ადგილზე იქნებოდა.
სახლი და ეზო დალაგებული და დასუფთავებული იყო უკვე.წინა დღის ნაქორწილევი აღარაფერი ეტყობოდა არემარეს.
დემნა და ბექა მარანში საქმიანობდნენ.დემეტრე გასაყიდ ბოთლებს ყუთებში აფასოებდა.
_ არაჩვეულებრივი ღვინო გაქვს ძმაო,წუნს ვერ აუღებ_ კიდევ ერთხელ ჩაისველა ყელი საამური სითხით ბექამ,დასაყოლებლად კი მწნილს მიწვდა.
_ აბა ლიკას კითხე- უფრო თავისთვის ჩაეცინა და მორიგ ყუთს დაწვდა.
_ მთვრალ გოგოს არ შეარჩინო ერთი სიტყვაც_ იცოდა ამ თემაზე ყოველთვის,რომ ბრაზობდა და განზრახ გაუმახვილა ყურადღება.
_ შენ ვერ გავიგე ჩემი მეგობარი ხარ თუ მისი?_ ბოთლებს შეეშვა და კუშტად მიაჩერდა ბექას.
_ რძლის მხარეს ვარ_ მოჭრით უპასუხა.
ხმა აღარ ამოიღო,თავი მსუბუქად გააქნია ,გაეღიმა და ისევ ყუთისკენ დაიხარა.
_ მისმინე დემნა ძმაო_ მის წინ ჩაიმუხლა_ ეს დრო შენი შანსია,თუ ოდნავ ,რამედ გიღირს,თუ წამით მაინც გაგიელვა გონებაში,რომ გინდა სიცოცხლის ბოლომდე შენი ცოლი იყოს,მაქსიმალურად ეცადე,ტყავიდან ამოძვერი,შეუძლებელი გააკეთე და ეს აკოცა.არ დაკარგო.ახლა უნდა გამოიჩინო შენი კახური ჯიუტობა.
_ მადლობთ,რომ ვირი არ მიწოდე_ ხელები განზე გაშალა.
_ რძალს როგორ ჩავეცილები,ის უფრო საყვარლად გიძახის_ ხელოვნურად გაიკრიჭა დს მოქნეული ჯოხი აიცილა.
_ დაიმახსოვრე და იმოქმედე თორემ მართლა ვირი იქნები,ჰაჰაჰაჰ,თუ კალოშებიანი პროვინციელი_ სიცილით გადაბრუნდა_ ისე ყოჩაღ ლიკა ასეთ შესაფერისი სახელები ,როგორ მოიფიქრა?
_ ვატყობ მალე თვალი ჩაგილურჯდება ასე თუ გააგრძელებ_ ისევ ეწყინა ხუმრობა,მაგრამ ეს დროებითი გულის მოსვლა იყო.
თამილამ ცხრაჯერ დაურეკა დემნას ლიკას ჯამრთელობის გასაგებად.ამ უკანასკნელს კი მთელი ეს დრო ისევ ეძინა ქმრის მორთმეული ბულიონის ჭამის მერე.
უკვე გვიანი იყო,ყველა დასაძინებლად წავიდა,დემნაც.
ჯერ დაკაკუნება იფიქრა,მაგრამ იმის გამო,რომ თითქმის 10 საათი იყო და შესაძლოა ლიკას უკვე სძინებოდა პირდაპირ შეაღო კარი.ოთახს მხოლოდ ღამის სანათის მსუბუქი შუქი ანათებდა.მკრთალ შუქზე მძინარე ლიკას სახე საოცრად თბილი და ბავშვური ჩანდა.უხმაუროდ გაიხადა,აბაზანა,მოიარა და ფეხაკრებით საწოლისკენ წავიდა და მსუბუქად შეცურდა მის კუთვნილ ნახევარში.თუმცა ეს შეუმჩნევლად ვერ გააკეთა.მისმა გრილმა სხეულმა და მოძრაობას ლიკა შეაფხიზლა,თვალები მუჭებით მოიფშვნიტა და ზურგისკენ შებრუნდა,ისეთი გაოცებული დ შეშფოთებული სახე მიიღო აშკარად არაფერი ახსოვდა იმ დილანდელი.
_ მშვიდად,უბრალოდ გესიზმრები_ ჩურჩულით გადაულაპარაკა და საბანი იღლიებქვეშ ამოიფინა შიშველ დაკუნთულ სხეულზე.
_ ღმერთმა დამიფაროს სიზმრებშიც შენ გხედავდე,მე ხომ გაგაფრთხილე ჩემთან არ დაწვეთქო_ მთელი სხეულით მისკენ შებრუნდა.
_ ნამდვილად დაგიფაროს ,თორემ სულ დაგიფრთხება ძილი,ვაიდა შეგიყვარდე.
_ სიტყვას ბანზე ნუ მიგდებ.
_ კარგი გამახსენე,ამ სახლს ბანიც უნდა მოვაშენო_ დემნას კმაყოფილი მიელულა თვალები.
_ ნუ მაგიჟებ დემნა_ მოთმინების ფიალა პირთამდე ავსებოდა.
_ ახლა მაგასაც მე მაბრალებ?_ გაიოცა და მისკენ შებრუნდა.
_ ადექი_ კატეგორიული გაუხდა ხმა.
_ არა_ არც ქმარი შეეპუა.
_ ა-დ-ე-ქ-ი_ დაუმარცვლა.
_ ა-რ-ა.
_ დემნა_ ხმაში ტირილი გაერია.
_ ლიკა კარგად მისმინე_ დემნასაც დაუსერიოზულმა არა მარტო ხმა ,არამედ გამომეტყველებაც,საწოლზე წამოჯდა და საზურგეს მიეყრდნო_ შენ ცუდად ხარ,მეთვალყურეობა გჭირდება,ექთანი აწი დილის ათიდან საღამოს შვიდადმდე მოგივლის,დანარჩენ დროს კი მე.და ძალიან გთხოვ არ შემეწინააღმდეგო.მითუმეტეს ღამე ვერ დაგტოვებ მარტოს.რამე ,რომ დაგემართოს ან გაგიჭირდეს და მე დამაგვიანდეს დახმარება ჩემს თავს არასოდეს ვაპატიებ.ასე,რომ ნუ ბავშვობ და ნუ ართულებ ,აქ იმიტომ კი არ ვწევარ,რომ ამით ვისარგებლო ან შენ გაგაღიზიანო,არამედ იმიტომ,რომ შენ მადარდებ და მინდა ვიზრუნო.ახლა კი სასწრაფოდ ჩაძვერი საბანში და დილამდე ხმა არ ამოიღო_ ბოლოს პატარასავით დატუქსა და ხელით მხრებზე მსუბუქად დააწვა ,რომ საწოლში ჩასრიალებულიყო.
ლიკა უხმოდ დაემორჩილა მის მოთხოვნას,მისმა სიტუვებმა საოცრად დაამშვიდეს და შინაგანი კმაყოფილებით აავსეს.ქალური თავმოყვარეობა იყო,სადღაც გულის სიღრმეში ესიამოვნა ქმრის ასეთი დამოკიდებულება და მზრუნველობა.საბანში ჩაიმალა და დემეტრეს ზურგი აქცია,თუმცა თვალებიდან არ ამოსდიოდა ქმრის გარუჯული და დაკუნთული სხეული.ხმაურით გადაყლაპა მძიმე ნერწყვი და თვალები ძალით მოჭუტა,რომ იქნებ დასძინებოდა და მეტად არ დაენახა დემნა.ეს უკანასკნელიც კმაყოფილი გაიტრუნა და ძილს მიეცა.
დილით დემნას ადრიანად გაიღვიძა,ჩვეული იყო ყოველთვის შვიდ საათზე ადგომას და საქმის კეთებას.ახლაც ასე აპირებდა ,მაგრამ სხეული მძიმედ ჰქონდა,ტანი ვერ აზიდა.თავი წამოწია და მკერდზე დაიხედა.ლიკას მის მხარზე თავი და მარჯვენა მკლავი მკერდზე გადაედო და მშვიდად და კომფორტულად ეძინა.დემეტრეს გაეღიმა,ნაზად გადაუსვა ცოლს თავზე,მერე კი ლოყაზე ხელი და აღარ განძრეულა.დაახლოებით კიდევ ორი საათი ასე იწვა,არც კი ირხეოდა ლიკა,რომ არ შეეწუხებინა,ისიც მონდომებით ებღაუჭებოდა მის სხეულს და გემრიელად ეძინა.მთელი ეს დრო დემეტრე მის თითებს რითმულად დააცურებდა ქალის თმებს,ყელსა და მხრებზე.ცხრა სრულდებოდა ყრუდ,რომ ამოიკრუსუნა და შეირხა,თვალები გაახილა თუ არა გაშეშდა,მერე მკვეთრი მოძრაობით მოსცილდა ქმრის სხეულს და განზე გაიწია.ჯერ მას დახედა,მერე საკუთარ მოშიშვლებულ მხრებს,საბანი სწრაფად აიფარა მკერდზე.
_ ძილში ვერ განვსაზღვრე_ ვერ დაალაგა აზრები თუ როგორ მოეხადა ბოდიში ამ უხერხულ სიტუაციაში.
_ არადა მიმტკიცებდი,რომ არ გესიზმრები_ თავქვეშ მკლავი ამოიდო და ცოლს მომნუსხველად გაუღიმა.
_ ეს…..გაუაზრებლად….არ მინდოდა….მაპატიე_ სულ დაიბნა.
_ ვიხუმრე ლიკა,არაუშავს,შეიძლება შენ კი არა მე მოგხვიე ხელი ძილში_ მისი დანაშაულის გრძობა შეამსუბუქა.
_ ის ექთანი მალე მოვა?_ უცებ შეცვალა თემა.
_ ერთ საათში_ წამოჯდა და სკამზე მიფენილ ზედატანს დაწვდა_ შენ არაფერი გააკეთო,მოვა დალი დეიდა და ის მოგეხმარება მოწესრიგებაში,აბაზანაში მარტო არ შეხვიდე…..გთხოვ_ ბოლო სიტყვებს საოცარი სითბო გამოაყოლა,შარვალიც ამოიცვა და დაბნეულ ცოლს,სანამ აზრზე მოსვლას მოასწრებდა ლოყაზე ფრთხილად აკოცა და სწრაფად გავიდა ოთახიდან.
ლიკა მონუსხული,პულს აჩქარებული და სასიამოვნო იმპულსებით დამუხტული კარგა ხანს თვალდაუხამხამებლად მიცქეროდა კარს და გონებაში ნელ კადრებად ისევ იხარშებოდა ბოლო წუთის კადრები.ღრმად ამოისუნთქა,სახელზე კმაყოფილი ღიმილი აუთამაშდა და ბალიშს მიესვენა.
ათი სრულდებოდა ექთანიც,რომ მოვიდა,სანდომიანი დედის ხნის ქალი იყო.აშკარად მისი საქმის მცოდნე.აბაზანის პროცედურიდან მოყოლდმებული ლიკას ყველაფერში ეხმარებოდა და ამ საქმეს თბილად და ნაზად აკეთებდა.
დემეტრე და ბექა საღამომდე თბილისში იყვნენ წასულნი ახალი საწამროს საკითხებს აგვარებდნენ.
გადაწყვეტილებაც მიიღეს და ბექამ საქართველოში დარჩენის მიზეზიც იპოვა,დემნას შესთავაზა,რომ ახალ საწარმოში მის წარმომადგენლად ემუშავა.თანხმობაც მიიღო.
დღის მანძილზე რამოდენიმეჯერ დარეკა სახლში თეონასთან,რომ ცოლის მდგომარეობა გაეგო.
_ ასე არაფერი გამოვა,თეონას კი არა ლიკას უნდა ურეკავდე,შენ ასე აპირებ მისი გულის მოგებას?_ უსაყვედურა მეგობარს ბექამ.
_ მართალი ხარ_ ცოტა ფიქრის მერე უპასუხა,ტელეფონში ლიკას ნომერი მოძებნა და ზარი გაუშვა.რამოდენიმე ნაბიჯით განზე გადგა- როგორ ხარ ლიკა?_ პირველად ურეკავდა და დაიძაბა,თითქოს გამოზომილად ლაპარაკობდა.
_ არამიშავს_ მოჭრილად უპასუხა მკაცრი ხმით ,თუმცა მისი ყურადღება საოცრად ესიამოვნა.
_ დილიდან თბილისში ვართ მე და ბექა სამსახურის საქმეებზე….არ იფიქრო არ მახსოვდი,თეონასთან დღეს რამოდენიმეჯერ დავრეკე და ვიკითხე შენი ამბავი.
_ აი ხომ ხედავ ჩემი ტელეფონიც მუშაობს_ მიხვდა დემნა,რომ ჩაიჭრა და შენიშვნა უხმოდ მიიღო.
_ გამოვასწორებ,ხომ არაფერი გინდა წამოგიღო ნალე წამოვალთ.
_ ტორტი მინდა,ალუბლის ტორტი_ გემრიელი იდეა მოუვიდა თავში და ტუჩები წინასწარ ჩაიტლიკა..
_ კარგი იქნება ალუბლის ტორტი_ დემნას დაძაბულობა მოეხსნა,გაუხარდა,რომ მისი შეცდომის მიუხედავად ლიკა გულღიად ესაუბრა.
საწარმოდან ჯერ მადას საკონდიტროში გაიარა,მერე კი ბექას დაჟინებული თხოვნით მინდვრის ყვავილების თაიგული იყიდა.ჯერ დედის გარდა არავისთვის მიურთმევია ყვავილები და ეხამუშა.
_ ერთი იდეა მაქვს_ თვალები ეშმაკურად დაკვესა და საჭეს ჩაფრენილ მეგობარს ბეჭზე შემოჰკრა ძლიერად ხელი..
_ მხარს ნუ მომამტვრევ თუ ძმა ხარ_ ფიქრებიდან გამოერკვა და ბეწას იმპულურიბაზე გაეცინა.მაინც ,რას ნიშნავს გენები,ბექა დედით იმერელი იყო და ბუნებაც სხარტი იმერული დაყვა.დემნა კი 100% კახელი იყო,დინჯი ზოგჯერ მიუხვედრელიც თუმცა იუმორის გრძნობას ნამდვილად არ უჩიოდა.
_ მისმინე,რომ მივალთ სახლში ჩემს ლეპტოპში კარგი ფილმები მიწერია,ფლეშკაზე გადმოგიწერ,წამოწექით,თან რამე რომანტიულ ფილმს უყურეთ და თან ტორტიც მიირთვით_ თავისი იდეით აღფრთოვანებული ემოციებს ვერ ფარავდა.
_ შენ და შენი წაწვეტებული აზრები რა_ გაეცინა და თავი უარის ნიშნად გააქნია.
_ არ არსებობს,არ მაინტერესებს,ისე მოიქცევი,როგორცმე გეტყვი- სახლამდე იმდენი ეჩიჩინა და უმტკიცა,რომ ბოლოს როგორც იქნა დაიყაბულა მეგობარი.
უკვე 8 სრულდებოდა.ტორტი თეონას მისცა და თხოვა ნახევარ საათში დაჭრილი ,თეფშებით და ჩანგლით ოთახში აეტანა.თავად კი ბექას მოცემული ფლეშკა ჯიბეში ჩაიდო და კიბეებს აუყვა.
ლიკა საწოლის საზურგეს მიყრდნობი და თვალებ მილულული მშვიდ მუსიკას უსმენდა.მის შემხედვარეს გაეღიმა,ვარდისფერ ლოყებზე ცრემლის ერთი წვეთი კიაფოვდა,ეს მუსიკით მოგვრილი სიამოვნების ცრემლი იყო.ლიკასსახესაოცრად მშვიდი და ნეტარი ჰქონდა.არც კი შეუმჩნევია ქმრის შემოსვლა ოთახში.
_ საღამო მშვიდობის_ თქვა და მუსიკას ცოტათი დაუწია.
თითქოს ელოდა მის მოსვლას,ნელა გაახილა თვალები და ახალმოსულს გაუღიმა.
_ ტორტი?
_ მალე ამოიტანს თეონა.მანამდე კი მოვწესრიგდები,შენ როგორ ხარ?_ თან ტანსაცლმლის გახდას შეუდგა კარადის გამოღებულ კარის უკან.
_ დღეს უკეთ.
_ თავი გტკივა?_ და თავადაც გამიყო თავი კარის კუთხიდან.
_ შემიმსუბუქდა_ ლიკა მისი მიმართულებით არ იყურებოდა,საშინლად არ სურდა კიდევ ერთხელ დაენახა მისი დაკუნთული სხეული და გული აჩქარებოდა.
_ კარგია,მაშინ ერთი იდეა მაქვს.
_ გისმენ.
_ მოდი რამე ფილმს ვუყუროთ და თან ტორტი ვჭამოთ_ შორტით და მოკლესახელოიანი ზედატანით გამოვიდა და საწოლის კიდეს ჩამოჯდა.
_ კარგი აზრია_ მოწყენილობით გაბეზრებულ ლიკას იდეა ძალიან მოეწონა_ და რას ვუყუროთ?_ ინტერესით სავსე თვალები შეანათა.
_ მმმმ,შრეკს_ სრული სერიოზულობით უპასუხა.
_ მაშინ არ მინდა_ გაიბუსხა და ხელები ცერემონიალურად გადააჭდო ერთმანეთს.
_ კარგი გეხუმრე_ მის ბავშვურ გამოხტომაზე გაეცინა_ გაქვს ნანახი ნაკიანი წელიწადი?
_ არა.
_ ჰოდა მაგას ვუყუროთ_ ფკეშკა ტელევიზორში შეაერთა,პულტს ხელი დაავლო და მეუღლის გვერდით მოკალათდა_ შრეკი და ფიონა არ გვინდა,ისედაც ხშირად ვიყურებით სარკეში_ ლიკას ეშმაკურად გაუღიმა თვალი ჩაუკრა და დავნეულ ცოლს ლოყაზე მადიანად აკოცა.