-გაცოფებული ვარ და შენთვისვე აჯობებს რამე სერიოზული მიზეზი გქონდეს თავი რომ გაიმართლო-მანქანიდან გადმოვიდა თუ არა ეგრევე აჯახა გაბრაზებულმა და თავი აარიდა საკოცნელად წამოსულ სალომეს
-ეგრევე ყველაფერზე რატომ ვარდები?-გაღიზიანებულმა მიუგო სალომემ
-მეკაიფები?-აღშფოთდა მათე- ჩემი შეყვარებული ისე მიდის სადღაც ტუსოვკაზე,არც მაგებინებს და ყველაზე უარესი,ამ ყველაფერს სოციალური ქსელებიდან ვგებულობ-ხმას თანდათან უწევდა მათე-და ვაფშე ვინ ჩემი ფეხებია ბექა? გინდა ჭკუიდან ამწიო ხომ?-უკვე აღარ კავებდა ემოციებს
-რა გაყვირებს,ეზოში ვდგავართ-ხმადაბლა უთხრა სალომემ და თვალი მოატარა არემარეს ვინმე ხომ არ გვისმენსო-ჯერ ერთი,ტუსოვკა კი არა,ჩვეულებრივი წვეულება იყო, მერე მეორე,ვიცოდი რომ ეგრე გამიჭედავდი რომ მეთქვა სადაც მივდიოდი და ამიტომ არ გაგაგებინე და რაც შეეხება ბექას,ჩემი მეგობარია-მშვიდად მიუგო სალომემ.მათე სალომეს მშვიდ ტონზე უარესად გაბრაზდა
-იფიქრე სანამ ამ ყველაფერს წამოროშავდი თუ ეგრევე რაც ენაზე მოგადგა ის მომახალე?შენ ვერ ხვდები ხომ მე რაზე ვჭედავ?-ტონს არ იცვლიდა მათე-და საერთოდ როდემდე უნდა იყო ასეთი ქარაფშუტა?
-სიტყვები შეარჩიე და ისე მელაპარაკე თუ შეიძლება-გაბრაზდა სალომე ბოლო სიტყვაზე
-როგორც იმსახურებ ისე გელაპარაკები.არა,კიდევ აქეთ რომ აქვს პრეტენზიები გამაგიჟებს რა-ნერვიულად ამოიღო სიგარეტის ერთი ღერი,მანქანას მიეყუდა და ღრმა ნაფაზი დაარტყა-შენ მე ერთხელ გულს გამიხეთქავ შენი საქციელებით
-კარგი რა მათე,რატომ იცი ხოლმე ყველაფრის გართულება?-შემრიგებლური ტონით უთხრა და გვერდით მიუდგა-ხომ იცი რომ მიყვარხარ და მთავარი ესაა-გვერდულად გახედა და გაუღიმა
-ხანდახან მგონია,რომ გავიწყდება შეყვარებული რომ გყავს, ისე იქცევი-მისთვის არც შეუხედავს,სივრცეს უაზროდ გაჰყურებდა-ყოველთვის ისე წყვეტ ყველაფერს,როგორც შენ გინდა,აზრს არავის ეკითხები და შენს საქციელებს ხშირად ცუდი შედეგები მოყვება
-ახლა მართლა არაფერი დამიშავებია-თავი მხარზე დაადო და გაჩუმდა- მაპატიე,ვიცი რომ დავაშავე რომ არ გითხარი და ისე წავედი-ცოტა ხნის დუმილის შემდეგ უთხრა-ასე აღარ მოვიქცევი... და შემირიგდი ახლა-დააყოლა ბოლოს როცა ნახა რომ არანაირი რეაქცია არ ჰქონდა მათეს
-მათე...
-....
-ოო,მათე გეყოს ახლა!-ნიკაპზე ხელი მოკიდა და თავი მისკენ შეატრიალებინა-მაპატიე და შევრიგდეთ-ტუჩები საკოცნელად გასწია,მაგრამ მათემ ისევ აარიდა თავი, სიგარეტის ბოლო ნაფაზი დაარტყა,სიგარეტის ნარჩენი მიწაზე დასრისა და სალომეს მიუბრუნდა
-შენ ვერასდროს ხვდები ხოლმე რას აშავებ!-სინანულით უთხრა- და ვერც ახლა იაზრებ მე რატომ ვარ გაბრაზებული-უთხრა და სალომეს პასუხს არ დალოდებია ისე ჩაჯდა მანქანაში და უსწრაფესად მოწყვიტა მანქანა ადგილს.
-ეჭვიანი ფსიხი-ტუჩაბზუებულმა ჩაილაპარაკა,ისევ მოავლო არემარეს თვალი და სახლში ავიდა.
მათეს წასვლიდან დაახლოებით ერთ საათში მარიამი რეკავდა კარზე ზარს
-ეე,ამ დროს სახლში ხარ?-კითხა მაქსიმეს,რომელმაც გაუღო კარი და გადაკოცნა
-ხო,დღეს ბათუმში მივდივართ საქმეზე და ნება დაგვრთეს ოფისში არ მივსულიყავით-ბედნიერმა ახარა-შენი დაქალი თავის ოთახშია და სავარაუდოდ გელოდება,მჟავე სახით მოძრაობს დილიდან-ხმადაბლა უჩურჩულა თითქოს სალომემ არ გაიგოსო და თავით მისი ოთახისკენ ანიშნა.მარიამს გაეცინა და სალომეს ოთახისკენ წავიდა
-ჩაგიტარა უკვე სეანსები მათემ?-პირდაპირ ეგ კითხა, შევიდა თუ არა სალომეს ოთახში
-ხო,საიდან მიხვდი?-მთქნარებით კითხა,ისევ ეძინებოდა
-როგორც კი გუშინდელი ფოტოები ვნახე,ვიცოდი ეგრევე მოგადგებოდა
-ვაიმე არ თქვა. ველურია სუფთა.ჯერ ხომ ამიფეთქა ტელეფონი, სანამ მეძინა,მერე ისე ღრიალებდა გული შემიწუხდა.მობრძანდა და სცენები მომიწყო.ძალიან ეჭვიანია რა-მობეზრებულად ამოილაპარაკა და საწოლზე ზურგით დაწვა
-ოჰ,გაგიკვირდეს ახლა.მე გაგაფრთხილე რაც მოყვებოდა ამას,მაგრამ როგორც ყოველთვის შენ მაინც შენი გაიტანე და ჰა-ხელები გაშალა მარიმ
-ხანდახან მგონია რომ უნდა დავშორდე-ბალიშიდან თავი არ აუწევია ისე თქვა
-აღარ გიყვარს?-გაოცებული შეეკითხა მარი
-მიყვარს...მგონი-დაამატა ბოლოს-არ შემიძლია მაგისი ეჭვიანობის ატანა.ძალიან დამღლელია რა
-მოიცა,დარწმუნებული არ ხარ გიყვარს თუ არა?-კიდევ უფრო გაოცდა მარი
-ამ მომენტში ისე ვარ ნერვებმოშლილი მასზე,რომ მგონია რომ არ მიყვარს. ვერ ვიტან ეგრე რომ იქცევა ხოლმე
-არ გინდა ცოტა ხანი ბებიასთან წახვიდე კახეთში?დაისვენებ და გონებასაც დაასვენებ,თან იფიქრებ.ახლა გაღიზიანებული ხარ-რჩევა მისცა
-ისე,ეგ კარგი აზრია ხომ იცი.რამდენიმე დღე წავალ და მაგ გიჟისგანაც დავისვენებ
-ის ახლა არ შეგაწუხებს,ხომ იცი გაბრაზებულია და შენ უნდა შემოირიგო.თვითონ არ მოვა და არც დაგირეკავს
-ხოდა ჯანდაბაშიც წასულა. სულ მე რატომ უნდა შემოვირიგო
-იმიტომ,რომ, ძირითადად შენ აშავებ ხოლმე-გაამართლა მათე
-შენ კიდევ სულ მე მამტყუვნებ-ნაწყენმა უთხრა მარის
-მე ობიექტურად აღვიქვამ სიტუაციას შენგან განსხვავებით. შენ ძალიან კარგად იცნობ მათეს,იცი რა მოსწონს და რა არ მოსწონს,ისიც იცი შენს ასეთ ქცევებზე როგორ ღიზიანდება და მიუხედავად ამისა,არასდროს იხევ უკან,მაინც ისე იქცევი როგორც შენ გინდა და რაც მათეს აცოფებს.როდემდე უნდა იყო ეგრე? მაგასაც ნერვებს უშლი და შენც იშლი ნერვებს.ან ასე გადაწყვიტე ან ისე.ის ვერასდროს შეგუება იმას რომ ისე მოიქცე თითქოს თავისუფალი იყო,შეყვარებული არ გყავდეს და მას აზრი არ ჰკითხო,ამიტომ ან უნდა დაუფიქრდე ხოლმე როგორ მოიქცევი ან მართლა დაშორდი!-მკაცრად ელაპარაკებოდა მარიამი-ასეთი დაძაბული ურთიერთობა მოგწონს?ვიცი რომ არა.ხოდა კარგად დაფიქრდი და შეურიგდი მათეს, თუ რა თქმა უნდა გინდა მასთან ყოფნა.
სალომეს არაფერი უთქვამს.ჩაფიქრებული იწვა ლოგინზე და ჭერს უაზროდ მიშტერებოდა.
მარიამის რჩევა გაითვალისწინა და მართლა წავიდა კახეთში ბებიასთან.
გადაწყვიტა კარგად დაფიქრებულიყო და ისე გადაეწყვიტა მათესთან რას აპირებდა.
მარიამი ბოლო დღეები რაღაცნაირად დასევდიანებული დადიოდა.ეს სალომეს თბილისში არ ყოფნას უკავშირდება თუ რამე სხვა პრობლემაა ჯერჯერობით გაურკვეველია. თითქოს,ისედაც გულჩათხრობილი,კიდევ უფრო გულჩათხრობილი გახდა.
სამსახურიდან დაღლილი მივიდა სახლში.გამოიცვალა თუ არა,ყავა გაიკეთა და სამზარეულოში მაგიდას მიუჯდა,ხელები ჭიქას შემოხვია და თვალები ერთ წერტილს გაუშტერა.სახლში მარტო იყო.წარსულ მოგონებებში გადავარდა.
გაახსენდა როგორ გაიცნო.
მე-3 კურსს ამთავრებდა.კურსელები ექსკურსიაზე წასვლას გეგმავდნენ,არამარტო მათი კურსი,არამედ სხვა ჯგუფიდანაც მოდიოდნენ.მათ შორის იყო მათე ბიწაძე. სამართლის ფაკულტეტის თვითმმართველობის წევრი. მათე ძალიან გახსნილი, ხალისიანი და კომუნიკაბელური პიროვნება იყო.ყველას ყურადღებას ადვილად იქცევდა თავისი უშუალობით. არც მარიამი აღმოჩნდა გამონაკლისი და აღსანიშნავია რომ, სწორედ პირველი შემთხვევა იყო მარიამისთვის,როცა ვიღაც საპირისპირო სქესმა მისი ყურადღება მიიქცია,ისე როგორც მოსწონთ ხოლმე ბიჭები,არამეგობრულად.ძალიან მოიხიბლა მისით,მაგრამ ეს არავისთვის გაუმხელია,თავისთვის მოსწონდა ჩუმად,რადგან ასეთ რამეს ჯერ ვერავის ეტყოდა,რადგან პირველი შემთხვევა იყო ბიჭით აღფრთოვანებულიყო,ხოდა გადაწყვიტა თავისი საიდუმლო ყოფილიყო,ჯერჯერობით მაინც. ყველანაირად ცდილობდა უნივერსიტეტში შეხვედრები მხოლოდ მისალმებით,მეგობრულ ფარგლებს არ გასცდენილიყო და თავს კარგად ინიღბავდა,არ გასჭირვებია ნამდვილად.ვერც სალომემ შეამჩნია მარიამს რაიმე ცვლილება,აზრადაც არ მოუვიდოდა ვინმე თუ მოსწონდა,რადგან მარიამისთვის ასეთი რამეები უცხო ხილი იყო.
აი,სალომეს კი სულ არ დასჭირვებია ემოციების დამალვა. ისიც არანაკლებ მოხიბლული იყო მათეთი,მაგრამ მათეს ხომ არ აგრძნობინებდა,ამიტომ სწორედ მარიამი იყო პირველი, ვისაც გაუმხილა თავისი გრძნობები მათეს მიმართ. სალომე აღფრთოვანებით საუბრობდა თუ როგორ მოსწონდა,როგორი სიმპათიური იყო,როგორ აგიჟებდა მისი მანერები და პირველივე დანახვისთანავე რომ მოხიბლული იყო და ყველანაირად ეცდებოდა თავი მოეწონებინა მისთვის. მარიამმა პირველი შოკი სწორედ მაშინ მიიღო. პირველად გაუჩნდა ვიღაცის მიმართ სიმპათიები და ის ვიღაც ასევე მის ბავშვობის მეგობარს მოსწონდა და სწორედ მაშინ გამოუტანა თავის თავს განაჩენი,რომ მათე გონებიდან უნდა ამოეგდო,რადგან თავის საუკეთესო მეგობარს მოსწონდა. მას ვიღაც ბიჭის გამო ვერ დაკარგავდა და გარდა ამისა თვლიდა,რომ თუკი სალომე მოინდომებდა არ გაუჭირდებოდა მათეს გულის მოგება და მარიამმა ზუსტად იცოდა რომ მას კონკურენციას ვერასდროს გაუწევდა,სულ რომ თავი დაენებებინა მათ შორის არსებული მეგობრობისთვის, მას სალომე ყოველთვის დაჩრდილავდა თავისი სილამაზით.სწორედ იმ დღესვე გადაწყვიტა რომ ეს მხოლოდ მისი საიდუმლო იქნებოდა და მეტი არავისი.

დიდი იმედი მაქვს,რომ გამოვა როგორც ჩაფიქრებული მაქვს.