1) სახელი „იოანე“ ძველებრაულად ნიშნავს ღმერთის მიერ შეწყალებულს, სხვა მნიშვნელობით ღმერთის საჩუქარს. ამ სახელის განმარტება სიმბოლურად დაკავშირებულია იოს პერსონაჟთან.

2) „იო“ არის გალილეო გალილეის მიერ 1610 წელს აღმოჩენილი პლანეტა იუპიტერის თანამგზავრი. ის ყველაზე ახლოს არის პლანეტის დანარჩენ ოთხ თანამგზავრთან შედარებით და გამოირჩევა მძლავრი ვულკანური აქტივობით. ასტროლოგიური განმარტებით, პლანეტა იუპიტერი განსაზღვრავს ბედს, იღბალს გამარჯვებას, გამოცდილებას. ამასთანავე, სახელი „იო“ მითოლოგიაშიც გვხვდება. იო ბერძნული მითოლოგიის მიხედვით იყო, ძველი არგოსის მეფე და მდინარის ღმერთი. ასევე იო მაორის ტრადიციით იყო უზენაესი ღვთაება.

3) სახელი „ლეა“ ებრაულიდან მოდის და ნიშნავს სუსტს. სხვა მნიშვნელობით დაღლილს.

4) იოს პერსონაჟთან ტატუები დიდ დატვირთვას ატარებს. გულ-მკერდთან ტატუ, ესაა ის სფერო, რომლისკენაც ადამიანს კონკრეტული მიზანი ამოძრავებს. ესაა იდეოლოგია, ფილოსოფია, ან სიყვარული. ეს არის დაფარული, რომლისკენაც ქვეცნობიერად მიისწრაფვი. როგორც ვიცით, იოს გულ-მკერდზე ჯვარი ჰქონდა გამოსახული. ჯვარი უკვდავების სიმბოლოა. ზურგზე დახატული ტატუ - ესაა ადამიანის შთაბეჭდილება გარესამყაროზე. ეს ადამიანი ან მორცხვია, ან იდუმალი. ზურგზე დახატული ტატუ ადამიანის ცხოვრებაში არის წარსული, წარსულთან გამოთხოვება. ძირითადად იხატავენ იმ დროს, როდესაც ცხოვრების გარკვეულ ფაზას წარსულში ტოვებენ და იწყებენ ახალ ეტაპს. იოს ზურგი კი ბოლოს ფრთებმა დაამშვენა. :)

5) ფერები: ლეას კორპუსი არის მონაცრისფრო ვარდისფერი. ვარდისფერი ვნების საპირისპიროა. ეს არის წითელისა და თეთრის შერეული ფერი, რაც ასევე ნიშნავს მსუბუქ, შერეულ საზოგადოებას. ნაცრისფერი - ესაა ბოროტისა და კეთილის შერწყმა. ესაა პატივისცემაც და უპატივცემულობაც; ანგარებაც და უანგარობაც; სიყვარულიც და სიძულვილიც; მოწყენილობაც და მხიარულებაც. სიმბოლურად კორპუსის ფერი დაკავშირებულია მის მაცხოვრებლებთან, სადაც შერეული საზოგადოება ცხოვრობს, თუმცა საბოლოო ჯამში ძალიან მოსაწყენ, ერთფეროვან ხალხთან გვაქვს საქმე. / ლეას სახლი: იისფერი დივანი - იისფერი ესაა ქალური და მამაკაცური საწყისების შერწყმა. ესაა წინააღმდეგობათა ჰარმონია, ლეას დივანი კი გამოხუნებულია. თითქოს თანდათან ქრება მასში ეს წინააღმდეგობები და ერთ, კონკრეტულ იდეად ყალიბდება. ჭუჭყისფერი კარი - ეს უნდა ყოფილიყო თეთრი კარი, რომელიც სისუფთავესთან, სიფაქიზესთან და სიმშვიდესთან ასოცირდება, თუმცა კარი დაბინძურებულია, ჭუჭყიანია. საკუთარი სახე დაკარგული აქვს, წაბილწულია. ლეას სახლში ყველა ფერს საკუთარი სახე აქვს დაკარგული, ყველა ფერი ბურუსითმოცულია. ლურჯი პეჟო - ლურჯი ნდობა და სტაბილურობაა. ძლიერიცაა და მსუბუქიც. საქმიან და ენერგიულ დატვირთვასთან ერთად, ლურჯი ფარული დეპრესიაცაა. ლურჯი არ იტყუება, მაგრამ არც მის ნამდვილ სახეს აჩენს. სოციალურია, მაგრამ საკუთარ პიროვნულობას მალავს სოციუმისგან. ლურჯი გვამშვიდებს და ნდობას აღგვიძრავს. ლეა მოძრაობს ლურჯი მანქანით, თუმცა ლურჯ მანქანაში იმალება ბორდოსფერი ქოლგა, რაზეც ქვევით ვისაუბრებთ.

6) იოს სახლი: წითელი იატაკი, ბორდოსფერი ავეჯი, წითლად შეღებილი საიდუმლო კარი, ბორდოსფერი საწოლი - წითელი ესაა ვნების აღმძვრელი ფერი. წითელი ფერი ადამიანს თავბრუს ახვევს და გულს უჩქარებს. ეს ფერი ასოცირდება პირველობასთან, სიძლიერესთან, სიყვარულთან, სიმამაცესთან, ამპარტავნებასთან, სისხლთან, საშიშროებასთან, ომთან, ბრაზთან, რადიკალიზმთან, მსხვერპლთან, წამებასთან... ყველა ეს სიმბოლო კავშირშია იოს პერსონაჟთან. ამას ემატება ბორდოსფერი, ეს უფრო მუქი წითელია. თუ წითელი ამპარტავნება და საშიშროებაა, ბორდოსფერში ამ ყველაფერს ემატება ნიადაგი, რომ ეს ყველაფერი საიდანღაც მოდის. რომ ამ ყველაფერს რაღაც ბნელი მიზეზი აქვს. ლეას ქოლგაც მის ფარულ, მივიწყებულ, მაგრამ მაინც აქტიურ ხასიათს ატარებს. იოს ოთახი თეთრია. თეთრი ზემოთაღნუშნულთან ერთად სიფრთხილეცაა, უშიშროებაც და უსაფრთოებაც. იოს ოთაში უსაფრთხოება და საფრთხე ერთმანეთს ერწყმის. შავტარიანი დანები, შავი ტატუები იოს სხეულზე - ეს ფერი მოასწავებს სიკვდილს, სისასტიკეს, თუმცა ამასთანავე ესაა ჭკუა, გონიერება. ფარული ბოროტება, მიჩქმალული სისასტიკე. შავი ესაა ბოროტებისა და სიკეთის ჭიდილი.

7) იოს ზოდიაქო არის -მორიელი. სტიქია - წყალი; პლანეტა - პლუტონი. პლუტონი ყველაზე შორსაა დედამიწიდან და ამიტომ ის ყველაზე ნაკლებადაა შესწავლილი. წარმოადგენს საიდუმლოებებს, სიკვდილს, ტრანსფორმაციას, გარდასახვას, რადიკალიზმს რომლისგან თავის დაღწევა შეუძლებელია. პლუტონი მართავს ადამიანის დაფარულ ინსტიქტებს: ცდუნებებს, შიშს, მღელვარებას, სექსუალურ ენერგიას. პლუტონი სადისტ, მოძალადე, ღრმა, საკუთარ ნაჭუჭში მძრომიალე პიროვნებებს შობს. მორიელი პლუტონის შვილია - ესაა სიღრმეებისა და უკიდურესობების ნიშანი. მისი სამყარო - ეს კულისებია. მას შეუძლია მართოს, განკურნოს, ადამიანის ბუნება ერთი უკიდურესობიდან მეორეში გადაიყვანოს, თუმცა ამ შემთხვევაში ვხვდებით ბოროტ ცდუნებას, როცა იგი ამ ძალას ბოროტად იყენებს და ადამიანებს ანგრევს. ისაა აკრძალვების დამრღვევი, შეურიგებელი.

8) ლეას ზოდიაქო არის - კირჩხიბი. სტიქია-წყალი; პლანეტა - მთვარე. მთვარე ეს არის ემოციები, ქვეცნობიერი, ოჯახი და მასთან ურთიერთობა; ესაა რეაქციები, რეფლექსები, ჩვევები, ბავშვობა. მისი განვითარება მიბმულია მის ბავშვბაზე/ოჯახზე/დედაზე. უარყოფით გამოვლინებაში ახასიათებს სხვისი გავლენის ქვეშ მოქცევა. კირჩხიბი მთვარის შვილია - თანამგრძნობია იმდენად, რომ შეუძლია თავგანწირვა. ახასიათებს ილუზიებში დაკარგვა. კირჩხიბი პატივმოყვარეა, თუმცა არ არის ამპარტავანი, მაგრამ იქიდან გამომდინარე, რომ მისი ჩამოყალიბება ემოციებითა და ოჯახით ხდება, ამ მხრივ ცუდმა გამოცდილებამ ლეა მოჩვენებითი ამპარტავნებით წარმოგვიდგინა. ის არ სცნობს ლოგიკასა და ობიექტურ რეალობას. მიდრეკილია მაზოხიზმისკენ და თვითგანადგურებისკენ.

9) იოს გვარი შეირჩა ერთი ადამიანის საპატივსაცემოდ, რომელიც ძალიან ჰგავს იოს პერსონაჟს.

10) იოს ფრთები და ხმა - ამ მხრივ ჩემი ინსპირაციის წყარო გახლავთ ერთი ახალგაზრდა, რომელსაც სურდა ამ ფრთების დახატვა და რომელმაც სიცოცხლე თვითმკვლელობით დაასრულა.

11) კლუბი, სადაც იო და ლეა ხვდებოდნენ მდებარეობს ამსტერდამში. კლუბის სახელია - Club NL, სადაც ბორდოსფერი განათებებია და წითელი ტყავის სავარძლებს, რომელში იო იჯდა ხოლმე თავის ლამაზმანებთან ერთად, ნამდვილად ნახავთ ამ კლუბში თუ მოხვდებით. :) ნაცნობი *ექს ოთახიც ამავე კლუბშია.

12) უბანი, სადაც პრეზიდენტის სახლია, რეალურად არსებობს თბილისში, დიდ დიღომში.

13) და ბოლოს, მსახიობმა Ash Stymestმა, რომელიც ჩემი მუზა იყო მთელი ისტორიის მანძილზე, იცის რომ ქართველმა გოგონამ მასზე ისტორია დაწერა. :)