ვიცი, ბევრჯერ გიტირია ჩემთვის,
გიტირია, თანაც ხშირად მწარედ,
ისიც ვიცი, დაგიშავე ბევრი,
განსაცდელი მოგივლინე მწარე...
მჯერა, გულით რომ გიყვარვარ დღემდე,
თუმც გონება ძლიერია ვიცი,
სიტყვებს აზრი დაუკარგე, გახსოვს
ხატების წინ დადებული ფიცი?!
ვიცი, გული საგულეში კრთება,
როცა ვგრძნობ, რომ ჩემი ცქერაც გიჭირს,
თუმცა დროის ყველა წამი კვდება,
ჩემი აწმყო უშენობით იწვის!
ვგრძნობ რომ რაღაც შეიცველა ისევ,
ან იქნება კვლავ ცრემლების გროვა,
იმედი მაქვს რომ შემინდობს ღმერთი,
გვაპატიებს ჩვენს წაგებულ ბრძოლას!