ვიცი, რომ მოხვალ, მომიტან ვარდებს,
წითელ ყვავილებს მე რომ მხიბლავდა...
მერე გვირილებს ჩამიწნავ თმაში,
და გამახსენებ როგორ გვიყვარდა!
მოხვალ შეცვლილი ძველი თვალებით,
და ძველ სიყვარულს კვლავ გამახსენებ,
მე დანანებით გავხედავ წარსულს,
და თუ წავედი ნუ გამაჩერებ!
მოხვალ ამირევ გულის საკინძეს,
შენი ცრემლებით კვლავ დამასველებ,
მოხვალ ეცდები, თუმცა რაღადროს,
კვლავ რომ გიყვარვარ, ვერ დამაჯერებ!