ხუთი წლის შემდეგ როგორ ხვდებიან,
ამომიკითხავს შავად ფურცლებზე,
მიოცნებია ხუთი წლის შემდეგ,
მასთან შეხვედრის ლამაზ წუთებზე.
ეს ხუთი წელი ისე გავიდა,
არ დამიკარგავს იმედი ამის,
უფალს შევთხოვდი გამთენიისას
და ვლოცულობდი ამისთვის ღამით!
თუმც უშედეგო აღმოჩნდა თურმე,
ჩემი იმედი, ლოდინი ჩემი,
და კვლავ დაიწყო ისევ თავიდან,
უკვე ლოდინი იმ ათი წელის.
რაზეც მე ხშირად გადამიკითხავს
შავად ნაწერი ლამაზ ფურცლებზე,
მაგრამ ვიცი რომ უშედეგოა,
და აღარ მინდა ლექსებს ვუსმენდე!
ხუთი წლის შემდეგ როგორ ხვდებიან,
ათი წლის შემდეგ, ოცი წლის შემდეგ?!
ეს ყველაფერი სისულელეა,
რეალობაში არ ხდება ეგრე!
მე დღემდე მიყვარს, ვაღმერთებ ახლაც,
თუმცა არ მოდის ის ჩემთან დღემდე,
ეს ასე იყო ხუთი წლის წინათ,
ასე იქნება ხუთი წლის შემდეგ!
თ.ჯ