მე რომ მოვკვდები, ამ ქვეყნიდან, რომ წავალ,
ვიღაც დამრჩება, ვინც უსათუოდ იტყვის!
__არ წერდა ლექსებს, ის გვიყვებოდა ამბავს,
მის ცხოვრებაზე, მოგონილად რომ თვლიდით!
მე რომ მოვკვდები, თუკი დამრჩები შენ აქ,
თუკი იქნები მომსწრე ამ ჩემი სიტყვის,
გეცოდინება, რომ არ უხდება ლექსებს,
ყალბი სიტყვები და აღწერები სიზმრის!
გაგახსენებენ, როგორ წახვედი ჩემგან,
მოგიყვებიან როგორ მტკიოდა ხორცი!
რომ ქვეყანეზე ნახევრად შენი მერქვა,
რომ საბოლოოდ ამ ნახევრობით მოვკვდი!!!
მოგიყვებიან, როგორ გელოდი, როგორ,
მოგიყვებიან, როგორ გამწირა ყველამ,
რომ ოცნებებმა შემიწირა და ბოლოს,
უიმედობის ღვარში ჩამაგდო ცრემლმა!
გაგახსენებენ, როგორ წახვედი ჩემგან,
შენც გეტკინება, მე რომ მტკიოდა ხორცი!
მე ქვეყანაზე ნახევრად შენი მერქვა,
და საბოლოოდ ამ ნახევრობით მოვკვდი!
მე რომ მოვკვდები, ამ ქვეყნიდან, რომ წავალ,
ვინც აქ დამრჩება, ის უსათუოდ იტყვის:
__ის წერდა ლექსებს, ის გვიყვებოდა ამბავს,
ამბავს , რომელსაც თქვენ მოგონილად თვლიდით!
თ.ჯ