შენ ამბობო რომარ იცი
რა იქნება მომავალი
მე სულეს კი მეუბნები
მე ვარ შენი გზად მავალი

როს გითხარი ტურფა ქალავ
ეს ცხოვრება არად მინდა
ერთხელ ჩემსა მოიხედე
სთქვი ჩემგანა რაღა გინდა

ვერ გიმეტებ დასაკარგად
გული შენთვის მემეტება
სიყვარულის მოტრფიალეს
სულ ეგ თვალნი მენატრება

რომ წავიდე სად წავიდე?
გადვიკარგო უცხო მხარეს
იქაც არ დამიწყებ ძებნას
ვერვინ ნახავს ჩემს სამარეს

მომაყრიან ერთ გოჯ მიწას
არვინ იტყვის შენთვის მოვკვდი
მოსაგონარს არ იტყვიან
იფიქრებენ დარდით მოვკვდი

მე ფიქრები ამყვნენ ლანდად
ღამეც დიდად გაიწელა
მთვარეც სადღაც გადიკარგა
წამი წუთად გაიწელა

გათენებას ვეგებები
ანათებენ მზის სხივები
ლამაზია ეს ცხოვრება
ვიცი ისევ მელოდები

როს იძახი არ გიყვარვარ
ქალავ რაღად მელოდები?
თუ უბრალოდ შემეჩვიე
და მაგისთვის ვერ მშორდები

არა უნდა მოგიტაცო
ვეღარ ვუსმენ შენსა არას
წაგიყვან და გამოგკეტავ
ციხე კოშკსა ნარიყალას

ალბათ მერე შემეჩვევი
და გამიღებ გულის კარებს
ერთხელ მაინც გამიღიმე
დღეს ნუ მიქცევ შავ სამარედ.