რთულია წარსულის კარების მიხურვა,
როცა გული ნიღბავს წამის გამოძახილს
და თუ სასიკვდილო შემოგაწვა ურვა,
უნდა შეუერთო ეს ხმა სულის ძახილს!

სამყაროს ჩუმ ფეთქვას ვიგრძნობთ მე და მიწა,
ვერ ვცვლი უდროობის მტკივნეულ მარწუხებს
და რადგან აღარ წყვეტს ბრუნვას დედამიწა,
მივყვები გრძნობების უმიზნო მარშუტებს!

მესმის გულის ძგერა წუთში როგორ დნება
და კვლავ აკორდებად მექცა დრო და გზნება,
რადგან სიყვარულში ზოგჯერ ასეც ხდება:
გრძნობა იღვიძებს და რიდი სადღაც ქრება!

ცხოვრების ფანდების შეცნობას ვიჩემებ,
ვცდილობ ნაკვალევი არ შემეტყოს წლების
და თუ წამიერად სიყვარულს ვიგემებ,
ვივიწყებ სურვილებს არეული გზების!

გრძნობების კვალდალვალ ხეტიალს უარვყოფ,
რადგან უცნაურად იღიმება წამი
და კვლავ უნებურად გრძნობებს ორ ჯგუფად ვყოფ,
როცა იფანტება ადრეული ნამი!

ისევ იხატება გულში ჰარმონია,
როცა მიამიტად შემოვივლი ქუჩებს,
ამბის ფიასკოა ჩემი იდილია
და ძველი სიტყვები შეაშრა მკაცრ ტუჩებს!

წამი სამრეკლოდან გასცემს საიდუმლოს,
რომ ჩემი გრძნობები შემოვდე თაროზე
და რომ მოჩვენების ვალი გაისტუმროს,
დუმილს ამჯობინებს წამოწყებულ ომზე!

მარქმევ გენილაურს, როცა თავად ხვდები,
ჩემით არ იწყება რითმის აგონია,
გრძნობის წარმოსახვის შეჯიბრს ელოდები
და კვლავ გეფანტება წამის ჰარმონია!

ქალები ქალებზე ბევრ რამეს მივხვდებით,
როცა თქვენ გერევათ, კაცებო, ფერები
და თუ უცნაურად, ფარულად ვიცვლებით,
ვიცით, რომ ნუგეშად გვეზრდება ერები!