რატომ არსებობენ ქალები?
ეს კითხვა სხვაგვარადაც შეიძლება დაისვას, თუმცა პასუხი ერთია:

რომ არ არსებობდნენ ქალები
მთელი სამყარო დაკარგავს შარმს,
სული სუფთა, დახუჭე თვალები
ნურაფერს ნუღარ გაატან ქარს.

სამყარო იქცევა ერთფეროვნებად
ვერ გაგვიხალისებს მათი ღიმილი,
გულს რომ გახსნი და გადნება ვნებად
გავა დრო, უღიმღამოდ შეგვრჩება ფირი.

სასოწარკვეთილს დავემსგავსებით
ქალი გვინათებს მთელ ჩვენ ცხოვრებას
სიყვარულზე მეტი, იქნება მტრები
რა უნდა ამის დამახსოვრებას.

და შევეჭიდოთ მოდი სირთულეს
მანდილოსნები ჩვენთვის ანათებთ,
ვერ გავექცევით, მოდი მივჩუმდეთ
მე თქვენ მაგონებთ - მარად ვარსკვლავებს.

ბედი ბედია, რაც უნდა იყოს
უფალმა გვარგო ჩვენ ეს დიდება,
მათ გვერდით თავი მეფედ რომ გვეგრძნო,
და მზრუნველობა მათაც სჭირდებათ.

ქალმა თუ გითხრა, მე შენ მიყვარხარ
გიგრძნო და მთელ გულს შენკენ უმიზნებს,
თუ სიყვარულის არ ნახე ძალა,
იცოდე გულში შემოგიბიჯებს.

ვის დავადგამდით ხალისით გვირგვინს,
ვინ კი სიყვარულს შემოგვფიცებდა
სიცოცხლისა და სიკვდილის მიკვირს
მათ დაგვიტოვეს ჩვენ ეს ღირსება.

ქალი სპეტაკი, ქალი სიწმინდე
სიზმრად ვხედავდი მე მის სილუეტს
თავისუფლების დანიშნულება
ჩვენთვისვე ცოცხლობს
ისევ კაშკაშებს, ისევ გვიყურებს.

როცა ჩახედავ თვალებში მას და
ამოუცნობი რამ კი შეგხვდება
თითქოს აფარეს, მას სქელი ფარდა
და საიდუმლოდ შემოგეწერა.

თვალებს მინაბავს, თითქოს მასში გხვევს
და სიგიჟითურთ გარდმოგესახა
ერთი ელფერით, თბილად საბნის ქვეშ
ზამთარს გაათბობს, შენი შეხება.

გაგვიჭირდება უსულოდ ყოფა,
შთაგვაგონებენ მათი ალერსი
მარტო არასდროს დავრჩებით როცა
ჩვენ გვენდომება კოცნა-ალერსი.

ფხიზლად ძნელია ცხოვრების გავლა,
ეს მოგვიწევდა, თან დიდი დოზით
ვერ დავთვრებოდით ჩვენ კოცნით ქალთან
ბოროტებისგან
ვერ დაგვიცავდა, ჯავშანი-ბრონი.

გავზრდილვართ, სულით ობოლნი, გვშია
ყველგან ვართ, ფურცლად დავიარებით
რატომ არსებობს, ცაში რომ მზეა,
ყველაფერს ფარავს, რაღაც მიზეზი.

რა მიზეზია ეს არ გვასვენებს,
ვცხოვრობთ და ვფიქრობთ, ბოლომდე ამ გზის
სიცოცხლე გვატკბობს როცა გაჩვენებს
ღიმილს ქალი და ფიქრობ, რა დამღლის!

ღირს მილიონი გადაიხადო,
მთელი ცხოვრება სითბოს საგრძნობლად
სახლში იყო ან კუნძულზე ზღვაში
სულ გვერდში გედგეს, შენთან მახლობლად.

მაგიჟებს შენი თვალები - მითქვამს
მაგიჟებს, შენზე ზრუნვა, კოცნა მსურს,
ჰაერში ვისვრი შენდამი სიტყვას
ვიხსენებ ამბორს, შენთვის მოპარულს.

სწორედ ამიტომ ყველას ცხოვრებას
უნდა ატკბობდეს ლამაზი ქალი
უშიშრად შეხვდე ყველა პრობლემას
რადგან იპოვე, მეორე ცალი.

ჩემი სიცოცხლეც უმნიშვნელოთა
ნაკადი იყო მანამდე სანამ
არ დავინახე
არ შევიგრძენი,
სულში ჩავხედე
რაც დავინახე სიტყვა არ კმარა.

სავარაუდოდ, არ იცის რას ვგრძნობ
მე ხომ ბოლომდე არ მიმხელია,
ჩემ გულში ცეცხლი შეძლო - დაანთო,
აი როდესაც შენთან ქალია!
ე.მ.
2 დეკემბერი 2016 15:07


მოკლედ, ვეცადე ჩემებურად გამომეხატა ქალის მნიშვნელობა ამ სამყაროში, რომ არა ისინი ქაოსი და არეულობა რომ იქნებოდა. რომ არა ქალებო, ბევრი რამ დაკარგავდა მნიშვნელობას და ეს სამყაროც გაუფერულდებოდა. კი, ხშირად იქცევით ისე, რომ შესაძლოა ადამიანს თვითმკვლელობაც მოანდომოთ და დალევის სურვილიც, როცა თქვენგან უარს იღებს, მაგრამ თქვენი ერთი გაღიმება სამყაროს გაფერადებას უდრის და ეს აძლევს აზრს ჩვენ სიცოცხლეს. ესაა ჩემი კომენტარი!
ფოტოს რაც შეეხება, მე ვიცი ვისიც უნდა დამედო, მაგრამ გვიანია, მისი ნებართვა ვერ მოვიპოვე ამიტომ გაუგებრობის თავიდან ასაცილებლად სხვა ფოტოს ვდებ...