არ ენდო თვალებს სიყვარულის ცეცხლით ანთებულს,
მათი კაშკაში მაცდურია, მალე ჩაქრება,
გულში დაგინთებს სიყვარულის ელვარე კოცონს,
შემდეგ კი უხმოდ, უგზო-უკვლოდ სადღაც გაქრება.

ნუ მიენდობი ნურც თბილ ტუჩებს და ნურც მათ ალერსს,
არ დაუჯერო შემოგფიცოს თუნდ თვისი სული,
გავა წლები და მობეზრდება შენთან თამაში,
დარჩება მხოლოდ სამუდამოდ ნატკენი გული.

და თუ შენიშნავ რომ სავსეა გულწრფელი გრძნობით,
თუ შენს განსაცდელს შენთან ერთად გაიზიარებს,
მაშინ მიენდე, შეიყვანე და დაუჯერე,
ის არასოდეს არ გაგიჩენს გულზე იარებს.