მთელი ცხოვრებაა ვცდილობ,
მაგრამ ვერ ვივიწყებ თვალებს
რომლის დანახვასაც დილით კარგახანია რაც ველი.

მთელი ცხოვრებაა ვეძებ,
ჩემსკენ შენს გამოწვდილ
ხელებს,
მაგრამ ვეღარ ვარჩევ უკვე
ხელი,შენია თუ ჩემი

გინდა?! პატიებას მე გთხოვ,
მერე დავჯდები და გხატავ
პორტრეტს მივაჯღაბნი დაბლა
"მაინც დამიბრუნე ფერი"

ოღონდ დამიბრუნდი ახლა,
ისევ გადამხვიე ხელი,
დაბლა აღარ მინდა,მაღლა...
ცაში დავიღალოთ ფრენით.

მინდა დაგანახო დაღლა,
და ის მეცამეტე ფერიც,
ოღონდ დამიბრუნდი,მოდი,
ფიქრი მოიტანე ჭრელი...

მთელი ცხოვრებაა ვცდილობ,
მაგრამ ვერ ვივიწყებ თვალებს
რომლის დანახვასაც დილით კარგახანია რაც ველი.

შენ ჩემს ზღაპრულ სიზმარს
გავდი
წუთი დავკეცე და ვჭერი,
ვიცი ინანებ და მოხვალ
ეს ხომ სიზმარია...ძველი.