როგორ გაგაცინო მითხარ
როგორ გაგიხარო გული
შენი სიხარული მინდა
შენი ბედნიერი სული

მითხარ რა გჭირდება კარგო
თუნდაც დედამიწა იყოს
მზეში გავახვევდი, ვარდო
ისე მოგართმევდი თვითონ

იქნებ ვარსკვლავები გინდა
შენთვის ჩამოვწყვიტავ მათაც
ღრუბლებს მოვაშორებ ციდან
შენ რომ მიყურებდე კარგად

ოღონდ ბედნიერი გნახო
ოღონდ კარგად იყო ჩემო
ახლად მოწყვეტილო ვარდო
აკაშკაშებულო მზეო

მე შენ შეგადარებ ღამეს
როცა ვუყურებ და ვტკბები
დიდი ვარსკვლავებით სავსეს
მე კი მთვარის შუქზე გეტრფი

შენი სიყვარულით დამთვრალს
ერთი სურვილი მაქვს მხოლოდ
შენ რომ მუდამ იყო კარგად
მითხარ გაგახარო როგორ ?