გეძებ ოცდაერთი წელი, იქნებ ვერც გიპოვო კარგო
მე ხომ სულ გრძნობები მაწვიმს, სადმე რო წაგაწყდე ვნატრობ.
ეს ცხოვრება ხშირად მოთქვამს, მაგრამ ცუდს ვერაფერს ვატყობ
ვამბობ ოპტიმისტი ვარო, ისევ სადღეგრძელოს ვამბობ.

იქნებ გავიღვიძო დილით, იქნებ მე გიპოვო ამ დღეს
მინდა მხოლოდ სიხარული, არ მსურს სენტიმენტი მახლდეს.
მინდა ავიხდინო ღამე, მინდა აგიყვანო ცამდე
იცი? შენს გარეშე თითქმის არაფერი არ მაქვს ამ დღეს.

ცოტა ბანალური ვჩანვარ, ცოტაც ნეგატივებს ვამჩნევ,
მინდა შევიყვარო ისე, გული რომ მიიღებს ნაჭდევს
იქნებ მაინც სადმე გნახო, იქნებ დღეს თუ არა ხვალე
რატომ არ გამოჩნდი ვიცი, ვიცი რატომ გამაწვალე.

ვიცი არ დამეძებ თავად, ვიცი ელოდები პოეტს
მჯერა სადმე წაგაწყდები, ვიცი ვიპოვი ამ მომენტს.
იცი შენს გაცნობას ტკბილო, მინდა სიხარული მოყვეს
და რაც არ მქონია დღემდე, მინდა რომ სწორედ ის მქონდეს.