რას ერჩიან მსუქან გოგოს,
რად არ ტოვებს ლამაზ იერს?
ქალი ხელში თუ არ მოგყვა,
ისეთს რა გაგუებიებს.

მზისებრ ნახატს არ ამგვანებთ,
ფუნჯითა და აკვარელით,
თუმცა თავისებურია,
ფუმფულა და საყვარელი.

მეგობრობაც კარგი იცის,
სიყვარულიც ძლიერი,
რას აშავებს თუ კი ვერ ძლებს,
იყოს მუდამ მშიერი.

მსუქან ხალხზე ღადაობა,
ბევრისთვის დღეს ჰობია,
თუმცა დიეტაზე ჯდომას,
რბილად ჯდომა ჯობია.

ბოროტ ენებს რა გამოლევს,
აქ, სიკეთე იმარჯვებს,
რა შეგრჩება ცხოვრებაში?
ჭამე რაც გაგიხარდეს.