მინდა დაცლილი გრძნობების თასით
ტუჩებისფერი ვიგემო ღვინო,
მინდა გიჟური ოცნების მსგავსი,
რასაც სახელად უწოდეს კინო.
მინდა სცენაზე მე მეფედ ასვლა,
ტრფობის ემბლემად ვაქციო ლომი,
დედამიწიდან ტრიუმფით წასვლა,
პირად დემონებს მოვუგო ომი.
ადრენალინის სისხლში მსურს განცდა.
მივსდევ რომამდე მიმავალ ტრანსპორტს,
აქ ფანტაზია სურვილებს გასცდა,
თუმცა არავინ აღარ მთხოვს პასპორტს..