ჩემო მუშამბებო, ჩემო მურაბებო
დროს შემოვერცხლია თმები,
ჩემო ხოხბებო და ჩემო კაკაბებო
ჩვენი მეგობრობით ვტკბები..

დიდი სიხარული, დიდი სიყვარული,
მიწად მოგვივლინა ზეცამ,
მაშ მრავალს დაგვასწროს ტკბილად, მხიარულად,
შობას ღმერთმა თქვენც და მეცა.

ჩემო გვირილებო, ჩემო ღიმილებო,
რომ მიმეგობრებთ და ქრებით,
დადუმდნენ, დამუნჯდნენ ან სულაც გაუქმდნენ
მონატრებული პროფილები.

თბილებო, ტკბილებო, მე ყველა მიყვარხართ,
გახსენით, დახსენით ჩუმ დუმილს პირები,
ალბათ ბედს უკეთეს ბილიკით მიყავხართ,
და მერე მე თქვენი მომწერენ შვილები.

თუ შვილიშვილები, მაგას რა აჯობებს,
მაგრამ მე ჯერ თქვენი ღიმილიც მიხარის,
ვიცი რომ კარგია, მე არ ვწერ ქაჯობებს,
თავად როგორა ხართ ახლა ის მითხარით.