როგორ მიყვარს
გაზაფხული
როგორ მიყვარს მაისი,
როგორ მინდა შენს ქორწილში
რომ მეცეკვო დაისი.

მთვარე იყოს პატარძალი
ზეცა იყოს ლალისფერი,
სიძე იდგეს თავდახრილი
ასდიოდეს ალისფერი.

შენი თმების კულულები
ნიავს იქით არხევდეს,
სიძე ცაში აჭრილიყოს
ლურჯ ფერს შენთვის ახევდეს.

სახე შენს ლოყაზე ედოს
გესაუბროს ხელებით,
შენთვის მდიდრულ ჰამაკს წნავდეს
იასამნის ხეებით.

როგორ მიყვარს გაზაფხული
როგორ მიყვარს მაისი,
სიკვდილამდე მზად ვარ შენთან
სულ ვიცეკვო დაისი...

ავტორი: ირაკლი აფციაური