სამართალს ეძებ და ცხოვრებას ვეღარ წარმართავ
გგონია შეძლებ და იპოვი ქვეყნად სამართალს
ყოველდღე ხდები ილუზიის მაძიებელი
სამართლის ნაცვლად კი შეგრჩება სამართებელი.
დაღლილი ხვდები, დავიწყებას მიცეს სიწმინდე,
წარსულის ცოდვა საუკუნოდ ვერ შევიწმინდეთ,
ვერ განვიწმინდეთ, ვერ ავმაღლით ხატად უფლისა,
საკვებს ვიღებთ ხორციელი ყოფის სუფრისას.
სული გვილპება და ვერ ვხვდებით ეს რას დაგვმართებს
იმქვეყნად წასულთ ღვთის წინაშე რა გაგვამართლებს ?!
როცა არ დარჩა ქვეყნად არვინ სწორუპოვარი,
განადგურდა საუკუნო მონაპოვარი !