არ მყოფნის ღამე, რომელშიც გხედავ
სიზმრის ფერებში, როდესაც გაბნევ
არ მყოფნის შენი თვალების ელვა
უშენობაში ნათევი ღამე

გეძებ, კვლავ გეძებ, ამაო ძებნით
კოშმარს მიაგავს რიჟრაჟი, დილის
სიზმრები დამრჩა ერთგული, შენი
და მონატრება, ძარღვებში მივლის

არ მყოფნის წამი, ზმანების დროით
მოკლეა წუთი, წამს გავს სიზმრებში
არ უჩანს ბოლო მგონია, ლოდინს
სჯობდა, წარსულთან უწინ მიმეშვი

გთმობ, მაგრამ მაინც მაგიჟებს ფერი
თვალების, ბაგის, შენი ღიმილის
არ მყოფნი, მაგრამ არც კი ხარ ჩემი
ჰოდა, მშვიდობით, მე ცალად ვივლი

ვიმყოფებ სითბოს, სიზმრად ნაჩუქარს
შენი თვალების კოცნას ვიმყოფებ
უჩემობას, რომ ვერსად წაუხვალ
შენც შემოიკრავ ეულ გისოსებს

დაგთმე და ნიავს მივეც ფიქრები
იმედის ბოლო სიმებიც გაწყდა
მე დაგივიწყე, თუმცა სიზმრები
შენი თვალების ერთგული დამრჩა...

---------------------
მარადის შენზე სამუდამოდ სიგიჟემდე შეყვარებული თიკა, რომელიც ნანობს, ნანობს რომ დაგთმო....