გამოიდარა, მაგრამ ამ გულში ღრუბელი ჭარბობს.
შენი დანახვა ერთადერთია რაც კი რამ მათბობს.
ეგ თვალ-წამწამი და ეგ ტუჩები საშინლად მათრობს
და სიყვარული? მე ეს გრძნობები მუდმივად მახრჩობს...

გამოიდარა? არა მგონია. აქ დაწყებულა ქუხილი.
ჩემი ცხოვრება გასათბობია და აქ კვლავ რჩება დუმილი.
და სურვილები? ბევრი კი არა, მაქვს მხოლოდ ერთი სურვილი.
შენი დანახვა და შენთან ყოფნა არის მუდმივი წყურვილი.

და მზე გამოვა? არა მგონია, რადგან მზის ერთ სხივს უთქვამს უარი.
ამ სიყვარულით სავსე ეს გული შენთან მგონია კვლავ არს მტყუანი.
და ის პოეტი? ოჰ, ის პოეტი წყალს წაუღია გალოთებულა.
შენდამი გრძნობით თითქოს მომკვდარა, სიყვარულისგან გაოცებულა

და სასწაული? სასწაულების სულ აღარ სჯერა პოეტს,
რადგან იცის, რომ ეს სიყვარული მას თავს ნამდვილად მოჰკვეთს.
და შინაგანად? ამ სიყვარულით ხომ ძლიერ სუსტი გამხდარა.
მწარედ დაჭრილა, მწარედ მომკვდარა და დიდ კოცონზე დამწვარა.

გამოიდარა? მზეა, თბილა და აღარ თოვს, მაგრამ
არ მიატოვა ეს ჩემი გული ავგიას თავლამ.
გულში კვლავ ბნელა კვლავ სიცივეა და კვლავ ქრის ქარი.
მე ამ გრძნობებმა კვლავ არ მამღერეს სიმღერა წყნარი.