დღეს ვფიქრობ საკუთარ და შენმა სიტყვებმა
როგორი სიხარბე მომმატეს ხალისის
როცა კი გიხსენებ სამყარო ნათდება
და გართულს მინდება ყურება დაისის

და ეს სიტკბოება, წადილი სიცოცხლის
შენიდან გამოსულ სითბოში ვლინდება
სიმღერა მინდება, ამაღამ ამ სიზმრებს
სიკვდილი სწყინდება, სიჩუმე სწყინდება

გარედან ნათელი ფერებით ივსება
სადგომი მაგ სულის და გულის სინათლის...
სიცოცხლე მინდება, მინდება.. მაგ სიტყვით
ზეცა გაბრწყინდება, - სავანე ამ დარდის

სიცოცხლეს ამ გრძნობის სისავსე აავსებს...
შენგან რაც მიყვარდა სულ ამ დროს ვლინდება...
გიჟდება ეს ტვინიც და გულიც იმაზე,
რომ ეს სიყვარული სამყაროს სჭირდება

რასაც ვწერ იმაზე აღარ მსურს ქოშინი
დღეები უშენოდ მაინც არ ჩუმდება
და ვეღარც დუმდება გარშემო ყოველი
და აღარ ჩუმდება სამყარო ჯინაზე

ამ გულის წადილი შორიდან აგავსებს
დატკბება ყოვლიდან მოსული ფოთლები
რომ არ გაგონდები, ვსაუბრობ იმაზე
რომ აღარ მშორდები, როგორც ეს ნოტები

არაფერს ვგულისხმობ ნათქვამით წინაზე
აღარც სიყვარულს აქვს ფერადი ზოლები
ოხ !ეს ტოროლები! ყოველღამ, დილაზეც
სიტყვების სინაზით, და, მიახლოვდები..

21:52 2018/08/09