აირია! 
ყველაფერი აირია, 
გულს გაუღებ? 
შემოვლენ და გაივლიან....! 
თუ აჩუქებ-
უყოყმანოდ გაჰყიდიან! 
სიყვარულს კი 
სიძულვილში გაგიცვლიან.,..! 
სითბოს მისცემ? 
სიყალბეში ჩაგითვლიან, 
შეცდომებს კი 
სათითაოდ დაგითვლიან... 

შემიძლია, 
გაღიმებაც შემიძლია! 
ტკივილებს თუ სიხარულით 
შემიცვლიან, 
გულზე ლახვარს 
არასდროს თუ არ 
ჩამცემენ, 
მე ბოლომდე, ერთგულება 
შემიძლია! 
გააციეს, სიყვარულიც 
გააციეს 
და მარტივად საგულედან 
გააცილეს, 
ნეტავი მეც ყველაფერი 
შემძლებოდა, 
და ჩემთვისაც მიტოვება 
გაადვილდეს, 
დამივიწყეს, წავიდნენ და 
დამივიწყეს, 
ჩემი სითბო, სიყვარული 
გამირიყეს, 
მღალატობდნენ და 
თვალებში მიყურებდნენ, 
უფალი და ღვთისმშობელი 
დამიფიცეს.. 

გამიკვირდეს? რაღა უნდა 
გამიკვირდეს! 
ჩემი გული სათითაოდ 
გამიყიდეს! 
ოცდაათიც არ დასჭირდათ 
ოქრო-ვერცხლი, 
კაპიკებად და გროშებად 
დამიბნიეს.. 

ვაპატიო? ყველაფერი 
ვაპატიე, 
გულში მაინც სიყვარული 
ჩავატიე, 
დრო გავა და მოსასვლელი 
მაინც მოვა, 
თავდახრილი გეტყვის 
ბოლოს 
მ ა პ ა ტ ი ე ! 

დრო გავიდა, 
სინანული გაიზარდა 
და ცრემლები 
ჩემს თვალებზე 
დაბინავდა, 
როცა მივხვდი 
პატიება რომ შემეძლო... 
ჩემში ქრისტეს 
დაბადება გამიხარდა..



---------------------
გამარჯობათ ბავშვებო,ეს ლექსი შემთხვევით ვიპოვე ფეისბუქზე..არ ვიცი ვინ არის ავტორი,თუმცა მე ძალიან მომეწონა და გადავწყვიტე აქ ამეტვირთა..იმედია თქვენც მოგეწონებათ და ლექსის ავტორს კი მადლობა მინდა გადავუხადო ასეთი არაჩვეულებრივი ლექსისთვის..