შენ შემაყვარე ლექსების წერა
და მხოლოდ შენთვის უწყვეტად მღერა.
შენ შემაყვარე შენზე ოცნება
და შენი ცქერით კვლავ გაოცება.

შენ შემაყვარე ამ ქვეყნად ყოფნა,
დარდი და მუდამ შენს გამო ოხვრა.
შენ შემაყვარე შენდამი ტრფობა
და დამავიწყე გრძნობებთან მტრობა.

შენ შემაყვარე მე შენზე ფიქრი
და შენზე ფიქრით გრძნობებში მივქრი.
შენ შემაყვარე მე სიყვარული
და გეტყვი რომ ხარ გენიალური.

შენ შემაყვარე მე ჩუმი დარდი
და მე ამ დარდით შავ ღვინოს ვსვამდი.
შენ შემაყვარე მალულად კვდომა
და მხოლოდ შენთვის კვლავ ფეხზე დგომა.

შენ შემაყვარე სიცივე, სითბო
და სიყვარულმა ეს გული იხმო.
მე შენ ვერავის ვერ შეგადარე,
თვით შენი თავიც შენ შემაყვარე...