ხვალ შეიძლება მოვკვდე
და სამოთხეში მოვხვდე
ხვალ შეიძლება გავქრე
და სამუდამოდ ჩავქრე...

დღეს შეიძლება ვხარობ
წვიმიან დღეშიც ვდარობ
მაგრამ რაც უნდა მოხდეს
შენ ხომ მიყვარდი ოდეს...

სანამ მოვკვდები გნახავ?
მარტო ფიქრებში გსახავ
ძლიერ რომ შემიყვარდი
გულში ჩამყვება დარდი...

ზეგ შეიძლება მნახო
და დამიტირო ცამდე
მაგრამ მე ვეღარ ვიგრძნობ
გინდ დავრჩე ორმოცამდე...

გავიყინები მარად
ცრემლი მეცემა ფარად
გადამაქროლებს ქარად
ხან რად ვიქცევი,ხან რად...

დამიტირებ და,ვცოცხლდები?
რა შეიცვლება ამითაც?
რომ დააშავე ხომ ხვდები
გნატრობდი დღეც და ღამითაც...

ჩემი აჩრდილი,ჩემი ლანდები
იცოდე,ყველგან მოგელანდები
აქ არ ყოფილა ჩემი სამყარო
და იმედებიც აღარ ამყარო...

მივდივარ,შორს და არ დავბრუნდები
მაგრამ ხანდახან დაგხედავ,წავალ
ჩემი სითბოთი რომ გაბრუვდები
მე ისევ უკან,ჩემს სახლში ავალ...