ვარდისფერი სიყვარული გალურჯდა
ეს გული კი უშენობით დამუნჯდა
აღარ მოჩანს გზის დასასრულს სინათლე
მთვარევ,გიხმობ,ამ ერთხელაც ინათე...

არავინ მყავს მე ამ გრძნობის ქომაგი
ხოლო ტანჯვა კი გამომდის ორმაგი
აი,ისევ ჩამოვისხი სასმელი
მას ვუთხარი,რაც კი მქონდა სათქმელი...

მოდი,ამ გულს გაუხსენი სადავე
შენ ხარ ჩემი ტკივილების სათავე
შეიძლება შენი მსგავსი ვერ ვნახო
არ მოდიხარ,არ გჭირდები,ვერა,ხო?

სიყვარული გულის ხიდის ბეწვია
გაექეცი,ვაი,ის თუ გეწვია
იქ იქნება შენი გლოვის საწყისი
ვერ გიშველის არც ღვინო,არც სასმისი...

ვარდისფერი სიყვარული გალურჯდა
ეს გული კი უშენობით დამუნჯდა
თვალზე შენი კოცნა აღარ მაცხია
ეს კი ჩვენი სიყვარულის მარცხია...