ღამე უკუნეთი
საფიქრალი,
უფრო მომაკვდავი საუკუნოდ,
სუსტებს დავუტოვე სატირალი,
ჩემს მაგივრად რომ ისლუკუნონ.

სისხლი მომღიმარი ვენებიდან
ჩემში თავად ჩემ თავს ვეღარ ვიტან
ჩემი თავად ეშმაკს ეშინია....

ცოტა ეფედრინის თრობა მინდა,
თორემ სულზე კბენამ შემიტია...
ჩემი თავად ეშმაკს ეშინია
მაგრამ უფრო მეტიც შემიძლია...
შენ ვერ გადაწყვეტ მე როგორი ვარ,
ანდაც გადაწყვიტე სულ ერთია,
ისე დავიცალე ყველაფრისგან
ჩემში არც ეშმაკი, არც ღმერთია.

გარეთ მომელიან საფლავები,
თავში ხურდა ფულის როკ მუსიკა,
ცაზე დამემალნენ ვარსკვლავები,
იაფასიანი ფოკუსია...

ყველა გონიერი მერიდება,
ზუსტად ამიტომ ვარ ხალხმრავალი,
არ მსურს ასეთ ბედთან შერიგება,
ან და ნა**ჭვარი მომავალი...

ჩემი თავად ეშმაკს ეშინია.....

შმაგი წიკლაური