პოეტების ქვეყანა

ღმერთი და რჯული! არავის ვერჩი,
მაგრამ ბოლო დროს ნამდვილად ვღელავ, -
ვინც წერა-კითხვა ისწავლა ჩვენში,
მგონი ლექსებს წერს უკლებლივ ყველა...

ვაიმე, ვიღაც ნამდვილად გვწყევლის,
რა ხდება, ალბათ არ იცის ღმერთმა, -
ან დაიქცევა ქვეყანა მთელი,
ან აშენდება სუყველა ერთად...

სიმართლეს ვამბობ, არაფერს ვითხოვ, -
არა და რა ვქნა, ვერ მოვისვენებ, -
ხუთამდე პოეტს ნამდვილად ვიცნობ,
მაგრამ დანარჩენს ვეღარ ვიხსენებ.

მორის ფოცხიშვილი