უცხო სივრცეში გაფანტულ გრძნობებს,
დაუფიქრებლად ჩადენილ ცოდვებს,
თამბაქოს ბოლში გახვეულ განცდებს
ყველა ცდილობს და ვერავინ მართმევს.

რაც ამიკრძალეს ყველაფერს ვსინჯავ
და ველოდები ღმერთისგან ნიშანს,
უბის წიგნაკი გაივსო ბოდვით,
ალბათ მიწოდებთ
უნიჭოს, მოცლილს...

და არც შეცდევით, ცოტა მაქვს საქმე,
წარსულში დაშვებულ შეცდომებს დავსდევ,
დაუბრკოლებლად წამოსულ ცრემლებს,
ვეღარ ვაჩერებ და თითქოს ვერ ვძლებ.

გული ფეთქვისას საგულეს გაცდა,
აღარ ვაპირებ მე მეტის დაცდას,
ცხოვრება მოკლეა - არაფრის მთქმელი,
გთხოვ არ გამიშვა ჩამკიდე ხელი...