მე შენთან მოსვლას
სიკვდილამდე აღარ ვაპირებ...
თუმცა ვიცი, რომ მალე
სიკვდილიც თავისით მოვა....
და თუ გაგასწრებ,
მე ვიქნები იქაც პირველი
ტკივილებისგან დამწყვდეული
კვლავ უბორკილოდ,
და თუ აქ მიწევს უსასრულოდ
ლოდინი შენი...
იქაც ამდენ ხანს უსასრულოდ
არ მალოდინო!
მე შენთან მოსვლას სიცოცხლეში
აღარ ვაპირებ...
და შენ რომც მოხვიდე
სიკვდილამდე ვეღარ მიგიღებ..
მე შენს სიყვარულს სიცოცხლეში
აღარ ვაპირებ...
და შენ რომც გიყვარდე
სიკვდილამდე ვეღარ ვიწამებ...
მე შენს გაღმერთებას სიცოცხლეში
აღარ ვაპირებ...
ახლა დრო არის მაღმერთებდე
სიკვდილამდე უკიდეგანოდ!
მე მონატრებას სიცოცხლეში
აღარ გიპირებ...
და შენ რომც მოგენატრო
სიკვდილამდე ვეღარ ვიწამებ...
მე შენთან მოსვლას
სიკვდილამდე აღარ ვაპირებ..
თუმცა ვიცი, რომ მალე
სიკვდილიც თავისით მოვა!