მე თუ გიჟი ვარ მაშ სამყარო სულ ჩააბნელეთ
და თუ გიჟად მთვლით დედამიწაზე შეწყვიტეთ შტვენა
თქვენ ადამიანს შეაფასებთ ისევ სიმდიდრით
და არა მისი შინაგანი სამყაროს მხრიდან

მე თუ გიჟი ვარ მაშინ ვთვლი რომ თქვენი არ მესმის
რადგან დაგლიჯეთ ერთმანეთის იქეცით მტრებად
და თუ ამჟამად შემცდარი ვარ ჩემს საუბარში
მაშინ ბოდიში მომიხდია მიიღეთ ყველამ

მე ხო მე მესმის მხოლოდ ჩემი ადამიანო
შენ განიკითხავ ოცდარვაჯერ ერთგვარ სიახლეს
აი შენთვის კი ეგ სიახლე უკვე ძველია
წადი ხელ-პირი დაიბანე გამოანათე

მე თუ გიჟი ვარ მაშინ ჩემი საკანი სად გაქვთ
ან თეთრ პერანგებს რად არ მჩუქნით რომ შევიბოჭო
იქნებ ღრიალი ეს ყვირილი თქვენთვის არ კმარა
ხო მე გიჟი ვარ რით ვერ გაიგე ადამიანო

ჩემთვის სამყარო სიყვარულის ერთი მუშტია
თქვენთვის ეს მუშტი გაიშალა კარგა ხნის უკან
ჩემთვის ტყუილი სიძულვილი უცხო ხილია
თქვენთვის ეს ხილი ხეს ასხია ვერ ჭრით ინახავთ

რადგან ეგრეა ერთხელ მეც მომისმინეთ
შემდეგ თუ სურვილს გამოხატავთ მესროლეთ ტყვია
ოღონდ ერთს თხოვთ ისე არა როგორც მურტალოს
ინგამ ისროლა და ააცილა შვიდივე ტყვია

ჩემი საუბრის შინაარსი არის ამგვარი
მხოლოდ ერთს ვითხოვ მეტი არა არც დამჭირდება
გრძნობას ნუ ლახავთ შეიყვარეთ თვით სიყვარული
და ყველა ცუდი ავის მომხრე აქ დაკნინდება

დაღად დადებულს გაივლიან ცხოვრების ბნელ გზას
ვინც სიყვარული უარყო და ადიდა სხვები
მე თუ გიჟი ვარ ადამიანო ბოლოს ვიკითხავ ამდენის წერას
ვინ დამაცდიდა უფალი ღმერთი

მე ვფიქრობ ახლა წამიყვანდა თავისთან ვიცი
განმაშორებდა დედამიწას ტანჯვა წამებას
და ოცდარვაჯერ მაგ სიახლეს ნუ მეტყვი ვიცი
ადამიანო გიჟი არ ვარ სიყვარული ვარ