შესვლა
რეგისტრაცია
რეკლამა

ეს ჩემი გზაა...


19-02-2020, 23:00
ნანახია 524

ეს უცხო ხმაა....
მოვყვები და სად ვარ არ ვიცი,
დასასრულია...
სასრულია
და ცაც სრულიად
გამიშავთეთრდა...
გაიცრიცა ,
ემსგავსა ფიცარს
რაზეც სულ ყველა დიამეტრი დაკაწრულია.
ეს ჩემი გზაა,
ჩემი ხმაა,
ჩემი სულია,
მე სადღაც შორს ვარ
და ეს ალბათ
დასასრულია.
ყოველი დილა,
ყველა ღამე მკბენს...
მკბენს და მკაწრავს,
მივდივარ წინ და წასასვლელიც არსაით არ მაქვს...
და ვფერმკრთალდები,
ვუძლურდები,
ფეხები მიხურს,
სისხლიან ნახველს
კვლავ თამბაქოს სუსტ კვამლს ვაბრალებ,
დილით ოთახში გაღვიძებულს სიცოცხლე მიწუხს,
ყოველღამ ვძერწავ გახუნებულ სულის ქარაგმებს.
მე ეს გზა მიყვარს ...
მიყვარს როცა არავის ველი
და ეს ხმაც ვფიცავ შენს მოსვლას ჰგავს
- ნუ დაბრუნდები!
მე ვიცრიცები, ვხუნდები და მეცვლება ფერი
და ერთ დღეს ვიცი
უსათუოდ დამიბრუნდები.
მაგრამ მე ალბათ დაძონძი მეცმევა სული,
ვეღარც კი მიცნობ, ჩემს თვალებში ვერც შენს თავს ნახავ.
ნაცნობებს ირგვლივ შემორჩენილ ღიმილებს ვუცვლი
ტკივილზე და კვლავ აღარ ვიცი ვინ ვარ და რა ვარ.
ვინ ვარ და რა ვარ
ან სადა ვარ,
ოცნებაც არ მაქვს...
ვერც იმ წუთებს ვერ გავიხსენებ, როცა ვიღიმი.
იმდენად ჩუმი, უსიცოცხლო ფიქრები დამაქვს
მეზედმეტება მარტო მყოფსაც სევდა ქვითინით.
და მე ვიცინი
მაშინ როცა მტკივა ძალიან,
და მე ვიცინი
როცა ზეცა მიწად წევს ფეხთან.
ჩემი ცხოვრება ისეთივე დიდი ფარსია,
როგორიც ჩრდილი გათენების პირთან რომ ქრება.
და ეს გზა მიყვარს,
ნუ მომბაძავ
ეს ჩემი გზაა ...
ეს ჩემი გზაა,
ჩემი ხმა
და
ჩემი სულია,
ბოლოს კი სადაც წერტილების სამ შერწყმას ნახავ,
ეს მხოლოდ სულის ამოხეთქვის დასასრულია...

შენ შეწყვეტ კითხვას -
მე ვერასდროს ვერ შევწყვეტ გლოვას.
შენ იწყებ წერას -
მე ვსრულდები სამი წერტილით.
ერთ დღეს ისევე უცნაურად და ჩუმად მოვალ
როგორც წავედი
და
ვერასდროს ვეღარ შემიცვლი.

ჩუმი 'პოეტესა'



ძალიან კარგია <3

 


№2  offline წევრი დაჩი

სიტყვები მეზედმეტება

 


№3  offline მოდერი ჰაიკო

ვაა.. 10 ბალიანი სისტემით 11-ს გიწერ!!!
--------------------
...In sleep She sangs to me, in dreams She came, inside my mind ;) She's best between bests!!! :*:*:*

 



სახელი: *
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent